期待以久的西藏探險之旅，今日終於都出發，因為去西藏沒有直航機所以都幾辛苦，我今次個旅程係由香港往成都，再由成都轉內陸機往林芝。
每次要去機場我都幾頭痕，因為屋企的地點係無乜車可以坐，如果要乘搭機場巴士的話我就要拖住一件好大件的行李左行右行，雖然機場巴士係平，但無氣無力的我，當然會對自己好d 啦，我最後係揀選了搭的士去九龍站再轉機鐵，就係咁我又用左好龐大的交通費 (的士$50、機鐵$90，合共車費$140)
今日乘搭中國國際航空CA428夜機去成都，17:15於香港國際機場T1 中國國際航空公司櫃檯J 區集合，一向唔守時的我因為今日請了一日假所以16:00就由屋企出發，今日係破天荒沒有遲到，仲要係早到添，去到機場已經見到領隊起櫃位前等待我們這班團友。
領團ar Yan 講解了到達後的座位編排後我寄了行李 & check in 後自己去機場行下街，點知行行下街發現自己好似唔記得帶眉筆，而我件行李亦都已經寄了艙，所以無得打開個化妝袋睇下又無帶，印像中係放左入個化妝袋，本來唸住唔買，但係唸下唸下化晒全妝又無左條眉又好似好搞笑咁，最後為左安全起見，我都係起機場買左枝shiseido眉筆，買個刻其實可以選擇的品牌都好小，都係買左安全d就係咁我就用左$160，返到酒店打開個化妝袋因為帶左太多化妝品，初時我係搵唔到枝眉筆，個刻仲冷醒咁同自己講好在買左，但係低低能能的我最後最後係發現自己有帶到囉！
行到無野好行最後就食埋今日的晚餐，因為飛機餐一定唔會好味，最後都係揀左一個炸雞。
食完之後再坐左一陣起度上網 & send 個goodbye & thank you (因為大公司人士關係複習，所以有好多野都唔可以返工時做) 比我班親愛的同事，因為我班同事都好唔捨得我，擔心我獨個兒去西藏會有危險，因為月頭要埋數我臨飛前係約左佢地食farewell lunch，我班同事問我你估你真係會死起西藏咩？咁尋日臨放工時我班同事每個都同我講會等我返嚟同我食welcome lunch。Lorita 就最唔捨得我啦，因為我每天都為佢帶來歡樂的氣氛，而我出發前佢竟然好搞笑咁話要錄低我每日同佢的對話，好等我放假期間都可以聽到我打聲。我地就係一班每日開開心心一齊辛辛苦苦咁挨過辛苦每天的工作。
我send 比我班親愛的同事個message：
“我準備走啦，唔該晒大家share 左我的工作，好開心可以認識到你地，起辛苦的工作環境中有幸與你們一起渡過，起我自言自語鬧緊 / 好嘈的時候，有幸得到你們的忍讓與包容。好好珍惜這段無人嘈嘈弊的日子啦:p，最後當然係goodbye & thank you la”
我唸佢地收到我個message 之後就笑爆啦，之後我就不斷收到各位同事的reply話會掛住我等我返嚟，我又要續個回覆佢地，覆晒佢地都夠鐘上機lu...
飛機準備19:45離開香港，約22:30飛抵成都，拎埋行李再轉乘旅遊巴返酒店已經係零晨12點幾，第二朝4點morning call，第二日要轉乘內陸6:50的航班往林芝，由酒店去成都機場車程約40mins。
是晚入住的酒店：成都瑞城名人大酒店
沒有留言:
張貼留言