今朝早幾多點起身呢？真係記唔起，無所謂啦朝朝早都係早起家啦！今日早餐都係起酒店享用自助早餐，又係無乜野岩我食，我每朝食的早餐都係lunch 食的餸菜。
之前個幾日起後藏林芝的地方過了幾天，應該可以慢慢適應拉薩這個高海拔的地方。林芝雖然海拔比起香港係高了很多，由於林芝四圍都有很多山及樹木，儘管這地方的海拔高，但都能夠提供大量的氧氣。相反，拉薩的海拔比起林之再高了一點點，但相對地拉薩是沒有太多的山及樹木，所以氧氣的供應比起林芝會更少。
拉薩有日光之城的美譽，每年日照約3,000小時。拉薩的海拔為3,650米，是西藏自治區首府，有1,300歷史，位處雅魯藏布江支流拉薩河的中下游，是世界上最高海拔的城市。
今日第一個景點係大昭寺，嘩！一行到去大昭寺附近已經有好多公安起度把守。真係多得誇張。今日個太陽伯伯好勤力，當我落車步行去大昭寺我已經戴了太陽眼鏡，但係陽光的猛烈實在叫我無法張開眼睛。好多張相都影到爆晒光。
參觀完大昭寺係一個自由活動時間參觀八廓街，當我離開了大昭寺我只見到Leo、張生及張太。我當時個心好慌張，死啦得返我一個我實搵唔返部旅遊巴，於是我就即刻問Leo 可唔可以帶埋我去行。Leo 真係好佢無拒絕我呀。我地四個一離開大昭寺就去搵洗手間，我地入左去拉薩村工藝品商場扮睇野，之後就去用人地個免費的洗手間。去完洗手間都無乜時間剩。所以都無行到入八廓街。
準備行返去個停車場時Leo 突然醒起對波鞋d 膠甩左，佢問我可唔可以一齊去買波鞋，我當然無問題啦，就係咁我地就同張生、張太分開左。因為我地唔熟拉薩d 商場，見到個d 鞋又唔靚，好在最後我地起d 雜貨攤到買到一支補鞋的膠水RMB5。這支膠水真很有效用。
參觀完大昭寺又夠鐘食飯啦！是日用餐地點：品味軒，今餐可以品嚐到拉薩當地的地道餸：拉薩魚及人蔘果。這兩個餸都好特別喲！
食飽又可以去下一個景點啦，中旅社的安排真係好貼心，今日進餐間餐廳其實好近下一個景點 - 布達拉宮，真係估唔到咁近都會開車載我地過去，真係值得一讚！~
布達拉宮~藏意即菩薩住的宮殿，依山而建，氣勢宏偉，位於海拔3,756.60米，被譽為“世界上最高的宮殿”。布達拉宮建於公元十世紀，是藏王松贊干布為迎娶文成公主而興建，八世紀時曾遭損毁，及至公元十七世紀，五世達賴花了二年時間重建白宮。他圓寂後，總管第巴‧桑結嘉措動工修建紅宮，將五世達賴的靈塔安放在紅宫內，並且在周遭建立眾多佛殿神龕，供奉佛像。
相信會去西藏旅遊的人士如果無去過布達拉宮就好像無去過西藏一樣。由於布達拉宮係一係出名的旅遊景點，所以今日去到真係好多遊客，好辛苦先至可以“迫”到入到布達拉宮。點解係“迫”因為國內同胞無排隊文化，布達拉宮安排遊客進入又安排得唔好，害得我們要做人肉沙甸魚。
參觀布達拉宮係有時間限制，而且要進行安檢，安檢的情況與起機場的安檢無異，而參觀時限為一小時參觀完畢否則小曾的導遊證就會被扣起，一向關心人多過關心我自己的我，當然有點兒替小曾擔心，為免影響到小曾，所以我一入到去就決定唔好去洗手間，咁可以慳返D 時間，我們就像走馬看花，好輕鬆地就完成了參觀整個布達拉宮。其實於布達拉宮真的不能駐足觀嘗，因為廟內燃點著好多的酥油燈，通風設備又唔係咁好，酥油的氣味真的唔係個個都可以接受。況且每日有咁多遊客參觀，我們多企一會廟內的喇嘛就會出言叫我們向前行。
參觀完布達拉宮我們於宮外停留了一段好長的時間拍照，因為布達拉宮內不准拍照，所以Leo 於參觀期間花費了RMB230買了一本關於布達拉宮的書，相信書內應該有關於廟內的情況，蠢左唔記得問佢借來睇睇添！
布達拉宮旁的轉經筒
準備進入布達拉宮的位置
已進入布達拉宮範圍
步出布達拉宮後位於另一邊的轉經筒
參觀及拍照完又到下一個景點，我唔係好記得ar yan 話有邊個景點去唔到所以補送返參觀藥王山觀景台這個景點不會收取我們任何費用喎。藥王山位於布達拉宮斜面，站於藥王山上可以拍到布達拉宮的全景。
藥王山有一條好斜的樓梯，每次我行樓梯都好吃力，於這個供氧量小的地方我更覺辛苦。可能細佬早兩日見我起巴松措行到索晒氣，今日佢同我並排下時又見我索氣，所以佢將我揹住個背囊拉高左等我無咁辛苦，這個情景起我細個的時候我細佬都有做過，突然勾起了我兒時的回憶，不竟人都大了，有點兒時的回憶都會甜在心頭。就係咁我就叫左文XX做細佬--->其實我到今日都未知佢英文名，到走個日佢都話叫佢做細佬會親切D。
藥王山與布達拉宮的紅宮緊緊相對，是一座小山丘，兩山有白塔相連。藥王山從前的確是藏醫學院所在地，17世紀末第巴‧桑結嘉措在山上建立醫藥院，其後荒廢。
於藥王山拍得的布達拉宮全景。不過我唔係好識得影相好似拎個角度拎得唔係好靚。
Leo 應該玩左影相有幾年的時間，今個旅途佢教左我好多拍攝的心得，真的獲益良多。佢教左我點先至可以影布達拉宮更具層次及立體感，聽佢講完我個腦開始自己扣圖，只要虛心學習真的可以從不同人的身上學到好多唔同的新知識。
影影下相見到carrie，佢又加入埋我地一齊去影，下午的拉薩分外的晒及熱，但又未至於熱到流汗，只係個太陽太刺眼有d辛苦。我地左揀右揀、左行右行影左好多張布達拉宮的相。咁總算對自己有個交代啦！
於藥王山照布達拉宮時有一片烏雲遮蓋了布達拉宮，自由活動時間天氣放晴陽光普照，拍攝得的布達拉宮又有另外的一番味道！
沒有留言:
張貼留言