今日係由林芝去拉薩啦所以要轉酒店，轉酒店最令我頭痕，因為我唔知點先至可以將個喼條鏈拉埋。好不容易先至拉好個喼，因為由行李生負責幫手搬李所以我今日好輕鬆咁上車。
今朝早又係一早就要起身幾多點我真係唔記得啦，morning call 時間係6:30am，早餐於酒店內享用自助早餐，因為要pack 好個喼所以我遲左幾個字落到去餐廳，因為我食得慢所以食得好急，這間酒店的早餐可供選擇的款式非常之少，大部份都似作晚的冷盤菜式，由於太趕我只係食了一點點的隔夜餸加一杯熱牛奶。
時間過得好快未食得飽又要起程出發，出發前首先要確認一下自己的行李，然後付款等行李生幫我們搬上車內的行李相。
又夠鐘出發了，沿途見到有小販擺賣西瓜及黃色車厘茄，司機停下車子，小曾知道我們鍾意食當地甜美的西瓜，於是又為我們預備了兩個西瓜做飯後果，以及一袋車厘茄作為旅途中的小食，這麼好的一個導遊真的叫我們窩心。
今日第一個景點就係秀巴古堡。
這座峰火台恐怕有塌下的危險，所以不准遊客進入，地上可以已經有好多的石頭倒塌在地上。
於西藏四圍都可以見到這個品種的花，今日於牠的旁邊經過發現佢原來係有一種臭味的。
一排長長的轉經筒，好可惜，因為我的拍攝技巧尚淺，對於取景方面未有深入的了解，當Leo 與我分享拍得的照片後我才發現，原來這排看似簡單的轉經筒是可以拍得如此有層次感！經過今次我會多多努力研究一下取景的技巧，如樣下次再去旅行唔好錯過任何的精彩風景。
參觀完畢又係時候出發往下一個景點：巴松措。今日係第一次自己接過入場券進場，完來參觀起國內的景點入場費都幾貴。我們去度這個地方要轉乘環保巴士去巴松措。
巴松措在藏這是“綠色的水”，,是紅教的著名神湖，海拔3,464米，是西藏東部最大的淡水堰塞湖。每年藏曆四月十五日都會舉行轉湖節。從湖心島凝看湖水，果真是碧綠透徹。湖中島又名空心島。
去這個地方非常之危險，因為又要上斜又要落斜，而且全部都係泥路又濕又斜，行到我斷氣咁濟，十份之辛苦。
小朋友正在喂魚，這個淡水湖係有好多魚
這棵千年青崗樹掛滿了哈達，小曾話可以將條哈達掛在樹上許願，May 原來一直都帶著條哈達起身，所以佢即時將哈達掛在樹上許願。
這個又是甚麼地方？大家可以見到有好多的經幡，這是一個水葬場。島上原來是昔日的水葬場，沿雅魯藏布江居住的藏民死後多行水葬，把屍體完整及分成幾分投入水中，讓魚啄食。
小曾曾經與我們分享過原來藏民從前是不吃魚，原因是因為水葬，他們會覺得如果吃魚好像吃下自己的親人一樣，但隨著時代的改變藏民漸漸得到漢族的薰陶，所以現在的藏民都吃魚。
好啦又到食午飯時間，今日用餐地點於凱歌魚庄。已經起西藏第四日每之食飯的時候總會覺得餐餐的餸菜都後似，好像蕃茄炒蛋、豆腐、雲耳、青瓜、土豆絲，差不多餐餐都有得食。
食飽飽lu....出發往下一個景點：賽臥吊橋，但係下一個景點無乜野睇只係一個吊橋，可能這個景點太簡單，所以導遊及領隊都沒有下車由得我地自己去影相。
好勇的我當然係行過這條吊橋啦，但係行到去中間就開始害怕，因為又有風條吊橋係咁擺來擺去，嚇得我即刻跑返去起步點。
玩完條吊橋又要去下一個景點：邦傑塘草原，在這裏可以感受到游牧民族的生活。但我只係見到周圍都係糞便，其他我甚麼乜感覺不到。塊石碑本身係咁樣傾斜並非我刻意的影成這個樣子。
邦傑塘草原無乜野睇所以我地好快又上返車去下一個景點：米拉山口，海拔5,013。都未落車已經見到天色昏暗，突然間下起雨來，後來文爸爸話唔係面呀，係雹，一粒粒一粒粒好似西米咁，再睇真d 真係雹呀，印象中我起香港都見過一次雹，當時仲係讀書年代，落雹的時間好短，不消一會就消失。
但係今次起西藏可以經歷到落雹的時間好長，而我今次係親身經歷，因為落起雹的時候我係第一時間衝落車，我真係好想去感受一下落雹的感覺。
雹好細粒，一掉在手上就溶掉好不容易才可以拍得一張相係有幾粒雹起手家。真的值得好好保存及紀念。
雹
去完超污jo的洗手間出來見到好多團友與這位國內的自駕遊同胞影相，當時我都仲未知佢的來歷我都唔執輸同佢影左張相，後來這位同胞走後再由團友口中得知完來他是5月中由蘇州獨個兒架電單車來到西藏這邊旅遊，由他的隨身物品可見，他應該都是準備充足地來西藏走走。
這張相攝於落雹後架車離開米拉山口所攝，雨後的天空是格外的優美
下一站係格贊干布出生地，都係一個無乜特別的景點，導遊都只係叫我地下車拍拍照罷。
是日行程結束，沿途往拉薩的風景。
今日差不多9點先至去到拉薩，一去到拉薩當然係食左今日的晚餐先啦，因為下車時下著大雨所以我都無時間影低間餐廳個樣，是日用餐地點於極具中國風彩的人民公社品嚐，這間餐廳好特別，周圍的陣設都放有毛澤東的相、畫報或肖像，而待應生是穿著公安制服。於間餐廳用餐就好像時光倒流回到六十年代的中國一樣。今晚這餐係咁多餐最差的一餐，因為餸菜的份量少，同埋只有一個打邊爐的鍋底，真係唔夠食囉！
鍋底 - 野生菇菌火鍋，今次這個打邊爐，待應生站在我們旁邊提點我們茹菌要煮15分鐘才可以食用，如果進食生的菇菌會中毒，但係今晚這餐實在係太夜先至食，可能大家都好肚餓，所以好心急想食。待應生都知道我們來得太夜，所以她將所有食物都放進鍋底好讓我們可以盡快進食。
都已經係第四日的行程了，開始同細佬熟左，原來佢係一個無肉不歡的男仔，所以佢今次去西藏都幾慘餐餐都係得菜食，佢地兩父子好搞笑家，因為每餐都多菜少肉，佢地兩父子話要起拉薩搵下睇下有無麥當奴喎！
是晚入住的酒店：拉薩雅舍麗花園酒店 room no 2306。原來我又唔記得左影低佢個門口，返到酒店都成11點，可能係太攰所以連影相都忘記了。
入到酒店大堂即時好開心因為又可以住返一間5星的酒店，無論被鋪各方面都好乾淨，因為西藏天氣乾燥，房間內已經有一部放濕機，設備十分足夠。
酒店其中的一個設備係氧氣樽，因為拉薩海拔3千多米，空氣稀薄所以酒店已經預備好氧氣。
以上的氧氣於四周的店鋪都可以買到，但係酒店這支就要RMB30。
沒有留言:
張貼留言