今日又要好早起身，仲要pack 好行李去日喀則，日喀則是後藏最大城市，於日喀則除處都可以見到藏民用馬車搬貨物，我咁大個女都係第一次大開眼界，平時要見到呢d情景只會於古裝片先至可以見到，今次係我自己親眼看見感覺好得意，可惜的是我不能下車為馬車拍照，因為每次見到馬車都是於車上，當我見到拎得相機出來馬車就一閃而過。所以馬車這一幕只能深藏在我的腦海裏。
今日第一站係羊卓雍措，沿途會攀過一座山，每當車行到越高，總是會有旅遊車爬頭情況相當之危險。
羊卓雍措、納木措及瑪旁雍措是西藏三大聖湖。羊卓雍措是西藏第一大聖湖亦是3大聖湖之一。羊卓雍措藏語為天鵝池之意，是水鳥棲息地。
好快又到食飯時間，今日用餐的餐廳是付姐餐廳，今日係食咁多餐飯最少餸菜的一餐。只係得6餸1湯，但係今餐可以品嚐到當地特產洋湖魚，小曾話條洋湖漁要RMB180，其實西藏的生活指數都幾高。
下一站：卡若拉冰川。差唔多去到卡苦拉冰川見到有一部好大的旅遊巴正在調頭，因為高山上的車道比較狹少，見到佢地調頭真係險象環生，點知個部旅遊巴司機離開時與我們的司機交談話比我地個司機知此路不通，害得司機攀山上去，誰不知去到山頂原來是此路不通，今次到我地部車要調頭，好在有驚無險，我地好安全無碌到落山呀！
最慘都係leo 無端端比d 藏民屈左RMB10，其實leo 都無唸過要影藏羊，佢只係想影下山上的風景，咁就比d藏民屈左都係唔抵。leo 比人屈完起度呻影個藏民靚女都無咁嬲，仲話咁樣比人屈左RMB10，完來佢曾經見過一個藏民靚女，只可惜當時掛住專心影相無理到佢，到佢比人屈完之後就想同返個藏靚女影相，可惜....到想影又搵唔到個人。
偷影完藏羊之後又係時候離開啦。下一個景點係白居寺。白居寺是藏傳佛教中薩迦、噶當、格魯三個教派共居的寺廟，在西藏較罕見。白居塔聳立於白居寺中心，是該寺的主要建築，寺內供有泥、銅、金等塑像共3,000餘尊，加上殿內給有10多幅佛像，故又名十萬佛塔。
只要付款便何於白居寺入拍照，步行入每一個地方影相都要比錢，我今日因為好奇所以付出了RMB20，影了少許廟內的情況以作留念。
宗山城保，海拔4,145米，聳立在江孜古城中央的懸崖峭壁上。1904年英軍入侵江孜，江孜人民在宗山上築起炮台與英軍展開血戰。
以下這隻藏獒只係一歲但佢體型的非常之龐大。
西藏日喀則地區江孜縣的帕拉庄園是目前西藏保存最完好的奴隸主庄園，它是舊西藏貴族和奴隸兩種不同生活的真實寫照，是舊西藏的縮影。
帕拉，是帕覺拉康家族的簡稱。帕拉家族是舊西藏有名的貴族世家，在三百多年的興衰史中，先后有五人擔任過西藏地方政府的噶倫。在西藏現代史上，帕拉三兄弟扮演了極具代表性的角色。老大帕拉。土登為登擔任十四世達賴喇嘛的大管家﹔老二帕拉。扎西旺久經營庄園，也封有“仁悉”（四品俗官）頭銜﹔老三帕拉。多吉旺久擔任過達賴警衛團的團長。1959年，他們三人都隨達賴集團流亡並先后死於國外。
於參觀帕拉庄園期間又發生了一段小插曲，今次係關我事o家，西藏係信奉佛教，佢地門口會起得比較矮，目的是要人屈身而過同埋話D 鬼係唔識屈身所以入唔到屋。而參觀的景點都好多樓梯，每次行樓梯我都有陰影好怕會碌左落去。今日輕輕鬆鬆咁行突然間跣了一跣，差D碌左落去好在咁岩個梯級唔高所以先至無事，各位團友見我咁樣都笑我高原反應，之後細佬每次都叫我落先佢起我後面有咩事佢就會拉住我個背囊等我唔會起條樓梯碌落去，但我覺得佢起我前面會好D 囉，人地真係好驚家，佢起我前面有咩事都有佢墊住我嘛。佢個衰仔唔肯，仲話前面有咁多人實有人墊住我，每次我落D 好斜的樓梯我都會腳震，今次都唔例外，好搞笑細佬又會感受到GE佢無端端起度講話“嘩！震晒呀！”行行下起我前面D人都落晒去得返我，細佬仲起度笑我話我行得慢無人墊住我，好在樓梯口都有小曾& Leo企起度扶一扶我。
最後小曾當然趕得切買到入場券啦，因為買到入場券所以我地可以慢慢行入去參觀，這個時間入去參觀其實係一件好事，之前參觀個d 寺次次去親都好迫人，今日個場好寬敞，參觀的旅客都已經參觀完畢，我地可以行得好興鬆。
西藏的寺廟大部份地上有這些佛教付號，而這個符號都係用一d 珍寶砌成，唔好睇少呢d藍色ge 石仔，佢係藍松石、貓眼石等組成的。
今晚又要同古&張太同枱食飯，人地習慣左乜都影低去做個留念，其實我影都影響唔到你地，你地駛唔駛咁講野呀！古太話喎人都未食相機就要食先，老老實實，我又唔係唔比你地夾餸，你地夾晒D 餸我都係咁影家啦，你理得我姐，不過今餐D 餸又係平時食個D 無乜分別所以我食食下都無影到...
沒有留言:
張貼留言