西藏之旅~Day 2 - 布久喇嘛嶺寺、色季拉山口、魯朗林海

今日morning call 時間係朝早4:30am，平時返工都無咁早起身，真係估唔到竟然去旅行可以咁準時起身唔會遲到。今日乘搭6:50的中國國際航空CA4251內陸機由成都飛往林芝，可能心情太緊張所以尋日我完全無瞓過，時間過得好快話咁快就到morning call 時間，因為我要化妝所以我4:00am 就起身準備，所以真係攰到不得了，因為對眼好乾所以今日都係要帶返眼鏡，雖然影相唔係咁好睇，但係為左對眼好同埋太早所以都唔理得咁多。

真係估唔一朝早5:00am 就有酒店的職員拍門叫我們退房，乜大陸d 酒店咁早就要退房家啦？

因為太早所以領隊只係為我們預備了一份好輕巧的早餐，有兩包牛奶、一個蘋果、兩個細牛角包、一隻雞蛋。就係咁我地就起旅遊巴吃了第一份早餐。

因為尋日都無瞓過覺所以上到機就即刻瞓著左，好快又到食機上的早餐啦，一份好簡單的早餐，我已經攰到唔記得影低佢添lu。

於9:00am 左右就飛抵林芝機場，林芝個機場非常之簡單，一落機行過去對面已經離境大堂，拎埋行李行出去出面導遊-小曾已經在機場門口等候着我們。小曾向我們一班團友介紹總共有四條進藏路綫當中包括川藏公路、青藏公路、新藏公路、滇藏公路。而我們現在正由川藏公路駛入西藏。

踏出林芝機場見到好多藏民等候接機，於機場門口亦有好多公安把守。本來我係想拎部相機出部影抵去的，好在我拎住件好重的行李所以先至無咁做，點解我會用好彩來形容呢？上車後領隊就同我地講返於西藏要注意的事項，原來入藏後是不准拍攝軍人/公安、喇嘛及廟內的任何情況。如果拍攝軍人會被充公相機；若然大膽地偷拍廟內的情況而比發現輕質廟內的人會將相機內的相全部delete 或者將張記憶咭格式化，重質就要坐監，領隊仲話如果真係咁到時就無人幫到我地。

一出到機場小曾於我們每一位團友頸上掛上一條白色的長絲質頸巾，這是甚麼東西來的？這條白色好長的巾叫做“哈達”。哈達是藏民族最普遍的一種見面禮。凡拜會尊長、客人見面、覲見佛像、婚喪節慶、送別遠行、迎請賓客，都有獻哈達的習慣。它的用途極廣，是藏族人民日常生活中用以表示尊敬、祝福的一種禮帛。

哈達是一種生絲織品，上品哈達上織有蓮花、寶瓶等表示吉祥如意的隱花圖案。藏族認為白色象徵純潔、吉利，所以哈達一般是白色的。此外還有藍、白、黃、綠、紅五彩哈達，一般是獻給菩薩和迎親時用的，是最珍貴的禮物。

沿途風景優美可以見到好多藍天與白雲。

導遊接過我們之後就出發往第一個景點：布久喇嘛嶺寺。參觀這間廟時要脫去鞋子，這間廟的地下真係非常之污jo，參觀完間廟真係非常之不願意穿回對波鞋。

布久喇嘛嶺寺

於廟內外邊擺放著兩個好大的轉經筒

這個是男士的生殖器觀，位於布久喇嘛嶺寺外供人們拜祭。

於西藏隨處到可以見到五彩繽紛的旗幟，經導遊解釋後，原來這些旗幟是有意思的。這些是經幡，在藏區的高山、湖邊、寺院、佛殿、屋頂等會比較常見到繫着藍、白、紅、綠、黃五種顏色的旗幟。經幡有單色和五彩兩種，藍白紅綠黃的五彩經幡由上自下排列，不能排錯，它們分別象徵著藍天、白雲、火焰、綠水和大地。

經幡上印有經文、佛象等圖案等。藏族人民自古以來以昇經幡的方式使自己消災避難、氣運順利、家人平安。風吹動着經幡等同唸經一遍，亦都是祈福的一種意思。

參觀完布久喇嘛嶺寺後我們乘車往西藏林芝賓館用膳，林芝賓館亦都係我們今晚入住的酒店。因為西藏空氣稀薄所以領隊建議我們由行李生為我們將行李搬去房間，每件行李收取RMB5。因為林芝係一個好落後的地方，酒店都沒有升降機，所以有人幫我地搬行李都係一件好事，今日被編配的房號係3401，而我需要與團友May 同房。

是日午餐真係非常之豐富，有十幾個餸，雖然只係得好少肉，但係都已經好滿足，但係藏族的餸菜偏向多油。就連炒菜都好似係用油浸咁。

食飽飯就可以上房休息，到下午3點先至再出發去下一個景點。嘩！我間房位於四樓，要行四層先至可以去到房間，真係呢我呢D 老弱婦嬬真係未上到去四樓都已經斷氣咁濟。這間賓館雖然簡陋但係房間尚算寬敞，連床鋪都係乾淨沒有異味，只係個廁所沖水有問題，次次去完廁所都沖唔到水真係好污jo 囉！

返到房打開個喼發現我帶去的食物因為當地的氣壓問題全部都膨脹到有點兒爆的感覺，最後當我去到海拔越高的地方，我帶去的食物逐一開始迫爆左。

到了下午三時可以出發去下一個景點：就係色季拉山口，途中我們落了車起一個尼洋風光拍照，西藏真係好靚、好靚。每一個地方都可以見證著神的鬼斧神功。

於西藏任何的景點都可以見到這些擺賣的攤擋

色季拉山口，海拔4,728米可以眺望到南迦巴瓦峰，可惜當日太大霧所以見唔到！原來只有冬季較易看到南迦巴瓦峰，其他時間由於受到印度洋與雅魯藏布江形成的水氣影響，大部份時間被雲霧所蓋。

春日的色季拉山開滿杜鵑花，但係今年杜鵑花遲了開花所以今次我與杜鵑花無緣份了。

山上掛滿了五彩的經幡，這裏的氣溫已經係零度，企得耐都覺得有少少凍。

下一個景點就係位於山上的瑪尼堆：瑪尼堆源於苯教的靈石崇拜。於西藏的山間、湖邊、寺廟旁隨處可見用石頭堆成大大少少、不同形狀的石頭堆。藏民會順時針方向圍着瑪尼堆繞圈誦經祈福。藏民相信石頭帶來能量可以保祐自己。每逄節日、吉日藏民會一邊煨桑、誦經，一邊往瑪尼堆放上新的石塊，堆得愈高愈見虔誠。

再下一個景點：魯朗林海。魯朗林海被稱為“東方瑞士”這個地方好大霧所以d 相影出來有d 朦朧的感覺。

於西藏好容易就會找到這些五彩繽紛的經幡隨風擺動。

是日晚餐於魯朗鎮品嚐西藏有名的石鍋雞~魯朗劉氏石鍋：這個石鍋雞是用多種西藏藥材：手掌參、松茸、藏香雞燉成的湯，領隊話這個燉湯雖要預早order，因為需要燉上數小時才可以享用。個湯真係超好味，可惜的是今日的晚餐只係得湯、再用個湯灼菜&一個麵線。如果可以加多幾碟小菜就會更加好。

抵達林芝的第一晚有藏醫到訪的我房間為我們量血壓及檢查血的含氧量，真的不能瞞騙藏醫這個細小的儀器，一量已經知道我有少少頭痛，但各樣指數都係正常，至於血壓方面，當我去到西藏我的血壓指數上壓比正常高出了30度，唔怪得知血壓高GE 人係唔可以去西壓啦 (我本身血壓係偏低所以我上到去個血壓高左咁多都係工常)！