怕羞草~贈品

今日Yuki 比左D怕羞草種子我 & Peggy，因為我公司有花盆及泥，所以起公司種埋佢，起大家一齊玩緊的時候，Yuki 無端話佢買左一盤現成的怕羞草比Pinky，我問佢幾錢一盤，佢話一盤$5共有5株。我同佢講買現成的盤栽好多蟲家喎，佢又唔信我仲猛話無蟲，咁佢話無咪算囉，於是佢拎左盤怕羞草比我睇，佢話個盤底好污jo抹極都唔乾淨，於是我幫佢用我個水樽沖下佢，點知一沖就有條蜈蚣走出嚟 (其實我都唔知佢係蟲定係蜈蚣)，大家見到佢都好驚，但係扮大膽的我當然係好冷靜咁叫拎相機影低佢啦！

有條蜈蚣咁得人驚，當然吸引左好多同事起度睇啦！我叫埋Almond 嚟睇，佢竟然唔驚仲話幫我地整走佢。我見Almond 都唔驚，我就緊係扮大膽，影完相之後我用牙簽將條蟲整左落去d 水到，我自己都覺得自己好大膽呀--->勁呀！！！
當Yuki 見到真係有蟲嚇死佢，佢仲同我講見完條蟲搞到佢對手痕到上手臂，到放工我地又拎盤怕羞草出來玩，又比我見到一條蟲喎，Yuki 叫我整走佢，佢話我頭先都唔驚快d 幫佢整走去喎，我當然係採取佢唔搞我我唔搞佢啦，話咁快條蟲就走返左入d泥土度lu...
當我再問Yuki咁d蟲點呀？Yuki 話我唔幫佢整走佢唯有繼續養住佢喎!!!

究竟佢係蜈蚣定係一條蟲呢？