近來想享受人生，樣樣都試下，所以成日上網搵下有無邊d餐廳出名又好味，無意中比我見到恒豐酒店~紅煙窗餐廳有個燕窩buffet，見到好多人都話又抵食又平，仲有movenpick 雪糕，淨係食雪糕都抵啦！所以我唸都無唸就打電話去book位。
限時3小時由6:30-9:30，大約6:40去到恒豐酒店，見到酒店的環境比較舊，初時無乜人，到大約7點幾成個餐廳都坐滿了人。
今日食到好飽，總算可以回到本！好在早到一開始食左2隻燕窩西京燒薯蓉焗帶子，等了個幾鐘都無再出過，好在最後飽到嘔的時候見佢再出，我又再食多3隻，實在係大好味其實想再食，但係好快就比人拎晒。
長腳蟹都幾鮮甜我都食左十幾隻，生蠔實在係大細隻無乜興趣食得3隻。個冬陰公湯真係好辣，我咁食得辣都覺得好辣，煩人仲寸我話我原來仲有味覺添
！movenpick 有9種味道，平時起超級市場都見唔到有咁多款味道，今次我一次過試左6種味道，movenpick 的雪糕真係好好味，唔怪得知佢可以賣得咁貴啦...
燕窩西京燒薯蓉焗帶子
冬陰公湯 ~ 好辣及好濃蝦味
cake 就得呢幾款，但係又幾好味喎
沒有留言:
張貼留言