無聊玩意

自從捐完血之後我就日日都頭暈暈，今日仲嚴重到突然間撞左落個櫃到，好在無人見到，因為唔係好舒服，原定的放工shopping 改為回家休息。

返到屋企抖完之後已經無咁暈，所以又玩下我個新玩意！

因為呢個新玩意須要使用熨斗，我都係靜靜雞拎入房關埋門玩，費是比媽媽見到鬧我！用完個熨斗放返起原位，我老豆問我你搞乜鬼？尋日又用熨斗今日又用，用完又就咁掉起度又唔放返好！hehehe 我話有個新玩意呀，等我仲以為你咁多衫熨添！我返房拎個我新玩意比佢睇，你睇下幾得意！

我老豆問我咩嚟？完全睇唔到係d 乜，我起度笑佢，佢拎住個鴨頭左調右調都放唔岩個位，跟住佢自己睇唔明就問媽媽呢個係咩嚟，媽媽答公仔囉，個隻日本公仔呀！唔通媽媽唔知pekkle 係隻鴨？老豆又話邊係公仔呀？然後又自己拎住佢左擺右擺，今次仲勁同媽媽講呢個野應該係咁擺 (將pekkle 倒樹衝)，真係笑鬼死我，媽媽又睇唔過眼都話公仔咯掉反轉呀

最後我老豆叫我開估，我將佢放起電視機頂個d pekkle 旁邊，佢終於都睇到，仲話咁樣放埋一齊就有d 似啦！ (根本就係好似，係佢自己睇唔出咋嘛)