睇完精彩的水舞間約6:30pm，我地就乘免費車去碼頭，再轉搭免費車去星際酒店，Daisy 之前有同我地講過今晚去蘇浙滙~上海菜。我只係知道跟住Daisy 就一定唔會食d普通餸菜。
今晚返屋企上網check 原來蘇浙滙酒家榮獲「米芝蓮指南」一星級別餐廳。
我地去到蘇浙滙酒家約7:30pm，Daisy的家人已經點好菜食住等我地，我坐低食的第一道菜係醉蟹。我之前只係聽過醉蟹係上海菜，但係從來都無食過，因為好多人話醉蟹係生，整得唔好會食到生蟲...嘩！真係好好味，原來醉蟹係好味到咁，唔知香港有無得食呢！但係醉蟹都唔平接近$400，我都唔理得咁多，咁好味生蟲就生蟲啦
之後再上個d 菜式都好特別，今晚最貴ge 一道菜係清蒸鰣魚，只係得半條魚，就咁睇條魚唔覺得佢有咩特別，但係當我知道佢個價錢真係大嚇一驚，半條魚都接近$600，我慢慢咁品嚐這道超貴的魚魚...最搞笑係個待應話條魚個D 魚鱗都食得喎，我叫煩人試下係咪食得，佢話無可能吞佢落肚喎--->即係魚鱗食得係搵笨...
Daisy個老公一定覺得我好得意，佢話我同Daisy好似乜都影一餐，我係連個生果盤都影得一餐！
成個trip 我只係用左$200 玩老虎機，及$73買雜誌，多謝Daisy請我食一餐咁美味的dinner...由於成個trip 好緊密，無時間買手信，我同煩人無book 酒店，最後我地同daisy 去玩左兩個鐘老虎機之後陪埋佢返酒店，我同煩人就搭12:30am 船返港，返到屋企已經2:30am...
魚頭湯湯渣
生果盤
沒有留言:
張貼留言