拼豆 ~ Pekkle

某日行街見到呢個叫拼豆的玩意見佢幾得意，雖然已經係好耐之前的玩意，但見佢平平地加上我又有小小時間可以玩下佢，所以買了幾隻pekkle 的顏色回家動手製作一個鎖匙扣。

一包拼豆$4，個透明底板$20，個店員唔記得送埋張牛油紙比我，搞到我無端端又用多左$2.5買一張牛油紙來玩！
這個玩意一d難度都無，只係跟住個圖將d 豆豆慢慢咁放起個底板度便可，當拼好後再加上牛油紙用熨斗熨幾下，利用熨斗的熱力將豆豆溶解並黏在一起，就係咁簡單，一個可愛的pekkle 就面成了！

第一次整都算係咁，因為唔識得控制熨的時間，所以有些地方因受熱過久，溶到好似一堆野咁，等我整多幾個應該會好d家啦！

材料包

放拼豆用的底板，有幾款唔同形狀，視乎砌的款式  

跟住呢個圖拼便可以完成一個可愛的pekkle lu...

所有豆豆已經放在底板上，而pekkle 的初形亦已經出現

於豆豆面鋪上一張牛油紙

用熨斗於牛油紙上來回熨幾下，就會出現這個效果

頭頭已經溶了，並黏在牛油紙上

很容易就可以從牛油紙把豆豆拉起

製成品

這邊還未熨須要用熨斗熨埋這邊