???

第二日啦！今朝一返到公司成張枱都鋪滿左invoice，今日第一個工作就係數invoice，只係經過一個晚上我將枱已經放左接近一千張invoice，真係估佢唔到，只係過左一個晚上就有成千張單，好在d 單暫時都未係比我做，因為每個同事會負責幾個expense，加上月頭都無人得閒理我。

數完單就做d 無聊的工作，終於都開始明白為何這間公司的人要超嚴重OT，要工作有效率，用個套功具真係好重要，佢地係用緊一套好原始的accounting system，好多voucher 都要copy & paste，但係銷一不慎，copy & paste貼得唔好，又或者可以打字個位貼d 字上去長得濟，其餘個d a/c code 就會無晒，一條voucher 講緊幾百行，貼得唔好又要重新貼過，我今日就係起度貼個幾百行ge voucher，重重覆覆咁貼左都唔知幾多次，真係入要人都忟！

print 張voucher 都麻煩過人，要去好多個畫面禁好多個掣先至可以print 到voucher，我相信最浪費時間係因為個accounting system...

佢地入voucher 都麻鬼煩過人家，真係估佢唔到囉，一個account code 竟然可以有20個數字，最慘ge係要經過一大輪的動作先至可以組合到個account code 起佢個system 度，打左呢一串20個數字ge account code 係完全睇唔到呢組數字個account nature，所以入左成日野其實都唔知自己做緊d 乜，只係覺得自己起到玩剪貼遊戲罷！
經過尋日個llucnh 後我慢慢開始學習留意身邊d 同事，這刻唔知邊個係忠、邊個係奸，如果有得揀我只係想起一個和平的地方工作。
既然有這個機會，或者真係要開始細看人的謀略，如何去謀算人、攻心計的策略，留意左成日都係覺得d 人虛偽 (明明ar 姐&個黨人大家都唔like 大家，但又會扮關心對心，又會有講有笑咁，佢地唔講都唔知佢地有心病，但你地話晒比我知，我又覺得你地奇奇怪怪咁，唉！)，或者好似d人咁講商場如戰場，對人好即係對自己唔住啩...我留意左成日都覺得自己唔係哩方面D 材料，因為都分唔清邊個係好人，邊個係壞人。
點解咁講，尋日ar 姐明明同我講黨魁離開後會對付佢d 黨員，但係今日黨員同我講話忍唔到ar 姐今日會resign，又同我講叫我唔好話比其他人知。到佢遞完信ar 姐又話留佢，真係呢好難明白個中的計謀，ar 姐又同我講會對付佢但又留佢，都唔知係咩事！個班人又猛起我面前數ar 姐，真係聽得多人都癲！算罷...反正我性格上咁單純，都應該分唔到邊個係好人/壞人，所以忍到就忍，忍唔到就離開，反正都唔care...