C85

C85上次開完花後 (2/8/10)，經過了4個月的時間又再次開花了，其實我咁多盤紫羅蘭入面，我最鐘意就係C85，雖然佢唔係好貴，但係我真係好鐘意佢D 葉GE 紋理及花紋，而花朵及顏色就像粉紅玫瑰！雖然佢唔係D 咩貴品種，但係鐘意只可以任由感覺去判斷罷，真係好難解釋。

今次見到C85開GE 花實在係太細朵所以有D 唔係好開心，明明起發叔度買返嚟時朵花開得好大，但係經我手就細得可憐，可能係我自從換完盤之後就無再落過肥料，同埋我無乖乖咁聽發叔話每兩個月換一次泥土 (因為個人懶，又唔換泥又唔施肥之過)，睇嚟都要跟足發叔的指示種植！

我自己最滿意就係C85經我手種植後，葉片的紋理變得更可愛，唔知遲D 夏天熱得濟佢又會變左咩紋理呢？等我遲D 再影D 相同大家分享先！