大大話話我都應該轉過十個牙醫，Dr Lee係用睇過咁多個牙醫之中最細心、又生鬼的一個牙醫，雖然佢收得都幾貴，但佢真係好認真咁幫我整牙，又唔會濫收費用。
我只係識左Dr Lee兩年，可能我d 牙唔係咁好，所以佢一見到我話牙痛就會好大反應！
我自己每年都會用一個籠大的數字去整牙，今年又因為牙痛，所以我就即刻要去Check，無法啦，睇過咁多個牙醫佢地都係話我牙質唔好，如果真係蛀牙，人地可能係可以等到2-3個月，但係我就會比地蛀得比其他人快，我只係可以等到2-3星期。所以我一意識到我牙痛我係唔會等，費是一陣要杜牙根就煩啦！
10月尾開始有少少牙痛，所以急不及待打電話要Book了 15/11/10去check，Dr Lee一見到我就話你又蛀牙，慘啦！Dr Lee 就準備開始幫我照 x-ray，照完得出的結論Dr Lee話起x-ray片上見唔到我有蛀牙，都係好似往年咁講話智慧齒有個黑影，有蛀牙的徵狀但係未蛀，所以佢每次都叮囑我唔好食咁多餐、要用牙縫擦擦牙、要用牙線、要用小型牙擦擦牙。而我自己係再加多一樣就係用漱口水。Dr Lee話我之前覺得牙痛可能只係熱氣，或者係唔夠瞓所以先至會有牙痛的感覺。當我睇完牙醫我心裏很感恩，感謝主讓我今年無須再經歷蛀牙的慘痛！
點知15/11/10睇完牙醫只係過左幾日，我隻牙又開始痛，初時都以為好似Dr Lee咁講係熱氣，所以我無理佢，再過多幾日我開始感覺到我飲凍水隻牙會刺痛，這種感覺曾經起我要杜牙根之前出現過，所以我好擔心，即刻打電話再去book 睇牙，但係姑娘話最快都要下年一月中先至排到我，於是我就同姑娘講話我15/11/10照左x-ray話無問題，但係我現在又牙痛，仲痛到瞓唔到，姑娘打開我個record 睇完，都話當時Dr Lee係話我無事，照計蛀牙無蛀得咁快只係差個十幾日，姑娘話真係安排唔到時間比我，於是我就問姑娘可唔可以再上嚟照多張x-ray 睇下係咪真係蛀左，姑娘最後好猶疑 (唔係好願意咁) 幫我安排左起今日13:00比我上去照，但佢講明只係可以check 唔會幫我做任何treatment (其實Dr Lee咁好人
，佢又知我d 牙質唔好要蛀會比一般人蛀得快，如果真係蛀左Dr Lee實會幫我做treatment，所以我同姑娘講無問題只係check)點知我尋日較左鬧鐘但唔記得揀埋要星期六響，所以我今朝唔知醒，起身時已經係13:30，於是好心急咁打電話要診所，姑娘話都無法啦因為現在已經係佢地ge食飯時間，咁我問姑娘可唔可以再遲少少去，姑娘叫我14:00到診所，但係去到要等，唔擔保我要等幾耐，得個半個鐘我點會出到門口，我去到診所15:00，感謝主！一去到竟然診所無人，我一去到等都無等過就可以入去見Dr Lee，Dr Lee第一句又牙痛？照道理上次照過無事應該無問題！
Dr Lee開返上次照個d x-ray 出嚟，開始幫我檢查，最後都係無發現，我問佢係咪隻智慧齒已經蛀左，Dr Lee話未蛀，應該唔關個個位事，Dr Lee用左好多方法做測試，最後幫我照左一張全面x-ray，個個x-ray 同我平時照個d 唔同家，係有一部儀器維繞我個頭轉左一週，等了一會個張好大張ge x-ray片就沖左出嚟。
今次係照晒全部的牙齒連牙根，Dr Lee都係話就咁睇x-ray 真係無問題，佢解釋話 x-ray 有可能照唔到真實的情況，因為唔係將整隻牙拎出來睇，Dr Lee話暫時無發現有問題！佢話我牙痛有可能係牙齒敏感等好多唔同的因素影響。佢建議我拔左隻智慧齒，佢話我隻智慧齒有少少發炎，同埋隻智慧齒又出唔晒留佢起度都無用，加上隻智慧齒又有蛀的徵狀。
Dr Lee睇埋x-ray，我隻智慧齒牙根的生長情況，佢就話我隻牙好難拔，因為個牙根生歪左，一定要開刀拔，又話我個咀細好難做個手術，同埋佢話我個情況，佢話我個位生得唔好要剧開多少少牙肉，等隻牙可以慢慢咁鬆開，同埋要剧走我少少骨 (可能第時塊面會細左--->我自己幻想
) 。但萬一隻牙起拔走的過程斷左，佢話會由得個牙腳繼續留返起度，唔會再拎佢出嚟，Dr Lee話因為個牙腳比較接近神經線，萬一整到條神經線會令到我半邊面沒有任何感覺 (聽落好恐怖
)，佢仲話舊式的手術就會一定拔埋個牙腳出嚟，但係太危險所以現在係唔會再咁做，會等個傷口自然癒合。我個case做完手術塊面會瘀約二個星期及腫一個星期，仲有個咀角會損因為我個嘴細喎，所以d 儀器一定會刮損我個咀角令到我個咀有一星期唔舒服！手術費$3,500，但係Dr Lee話我個手術太困難唔係好想做我生意
，佢話因為今次無發現我有蛀牙，所以開d 止痛藥及抗生素比我食，希望我食完唔會再痛，佢話真係唔想做我生意喎！佢叫我再痛就打電話返去同姑娘book一個鐘做手術。Dr Lee話希望我食完藥無事，唔好返去搵佢喎！佢仲同我報埋某幾隻高危的牙齒手術費其中一隻要$7,500，仲有一隻要$4,500，今日睇完牙令我覺得我一定要儲多d 錢，如果唔係我老左一定無得食野。
就係咁我又阻左姑娘的放工時間，其實我次次睇親牙醫都有用多一陪時間，唔知姑娘會唔會記住我下次唔比我打尖呢？？
沒有留言:
張貼留言