早排見"為食一條街" 少年食神介紹屋企樓下的一間快餐店~天馬快餐，其實我住左起度咁多年只係幫襯過一次，因為平時見佢無乜人入去買野食，所以咁多年來我只係買過一次飯盒，今日再慕名而至，見店內雖然間多了很多人買外賣，平時我路過係完全唔覺有人食野。
今日本來只係想用晒個散子包入面的散子，咁岩路過天馬快餐，見少年食神又介紹過，所以唸住入去買個漢堡包食順便用晒d 散子嘛！平時都唔覺有咁多人買野食，今日竟然要等10mins 先至可以買到我個下午茶餐。可能大家都係因為少年食神介紹過而再去幫襯啩！
天馬快餐的飯盒真係好平，平到你唔信，一個飯盒都只係$20-$25。起領匯瘋狂加租後這間快餐店仍可生存，相信佢一定有佢的生存空間罷。我見少年食神介紹漢堡包，所以我叫左一個古法漢堡包、薯條餐包飲品都只係$20。真係好平，好抵食！
少年食神真係無介紹錯，天馬快餐個羅宋湯真係勁好飲，料又多，又夠辣，我自己覺得仲好味過皇后個羅宋湯~~
古法漢堡飽入面個塊漢堡並非好似麥記個漢堡扒，一食入口就可以感受到塊漢堡扒係手豚的，很有咬感呀~~
古法漢堡飽+薯條
雖然個漢堡飽個外型就唔討好，但好有口感真係唔錯o家!
平時個d 漢堡飽多數都係用茄醬，但係這個古法漢堡飽係用沙律醬的
就咁睇這個羅宋湯無乜特別，但係攪下佢原來好多料的
勁多料的羅宋湯
沒有留言:
張貼留言