Bourjois eyeliner

最後都忍唔住翻兜Bourjois' eyeliner，因為我自己唔鐘意補妝，但近來用個d eyeliner 點都係會溶，搞到我成日都要帶住D 化妝品補妝，我最憎見到自己變左熊貓眼，好醜怪家嘛！

我用過咁多個牌子，我自己都係覺得Bourjois Liner Glitter Fizz 畫左起我對眼上面個效果係最好，起碼經過左十個鐘我都未見過佢溶。

今日終於都忍唔住去買，因為翻兜同一樣野我自己覺得好悶，Bourjois Liner Glitter Fizz 共有三隻顏色，而其餘兩隻色怪怪咁唔係太岩我用。我見自己無啡色，所以買埋Bourjois liner clubbing，佢係有少少閃粉非常適合我，但畫出來的效果會比較幼，等我遲d 試下佢係咪唔會溶先。

真係話時話個通賬係咪咁誇張，定係Bourjois之前個定價太低呢，這兩款眼線液，上年都仲係賣緊$85，我今日去買已經賣緊$108，加價達$27%。雖然$108又唔算十份貴，但見計一計佢個加幅真係驚人。買左兩枝眼線液又用了$216。

比完錢個BA送左張$100 coupon 比我，於31/12/10前購物滿$550就可以用左佢，但我好似無乜野要買家喎...點樣可以用左去呢？