吉野家

今日同細佬一齊去左食飯，佢話如果今日唔去好難就到時間一齊去，因為大家都要返學，返學的日子實在係太辛苦，希望好快可以捱過這個漫長的歲月啦！

佢個衰人自己鬼咁早就放工，係咁起度催催催，仲成日都話都唔明D 會計有咩做，做乜鬼成日都要OT，你估我想家咩，出左糧咪要做囉，除了要做、仲要受氣、又要捱鬧，究竟幾時先至可以退休？做人實在係太矛盾，有野做又覺得太辛苦，放長假又覺得太悶好似浪費緊光陰咁，點先至可以找到個平衡點呢？我好厭倦現在的工作，每日都好似日個機器重重覆覆的工作...好厭倦日日無止境的工作...生命的意莪是甚麼呢？

好在辛辛苦苦的工作都可以換來一餐美味的食物，食完吉野家的Shabu Shabu，真係可一不可再，以價錢計這個份量加食物質素已經超出水準，我地今日選了蟹之濃湯海鮮火鍋及天婦羅濃湯火鍋再加一客芝心丸。蟹之濃湯海鮮火鍋佢個湯底係蟹湯，我自己就覺得好淡同埋個蟹味好假又唔鮮甜，不過幾十蚊又何來用太高的要求去厘定呢？反而細佬就幾鐘意話個味道淡淡地幾好味，天婦羅濃湯火鍋個湯底我就幾鐘意，可能係我鐘意食濃味的食物，但係細佬就話個湯底太鹹。

唔好睇佢隻帶子好大隻，得個樣睇得下，食入口無帶子味...
蝦係雪藏蝦，好普通...
牛肉都係普通的貨式...


天婦羅濃湯火鍋

蟹之濃湯海鮮火鍋