紅薯湯丸糖水

農曆新年，媽媽回鄉時於家鄉帶回了一些自家種植的有機農產品，其中一種叫做經薯，媽媽話起香港買唔到喎，我成日都以為佢口中的紅薯係紫心番薯，媽媽堅持話紅薯就係紅薯，佢地係兩樣野，我都無同佢堅持這個東東係乜，咁我真係唔識嘛。

只係印像中細個農曆新年回鄉時，這個紅薯糖水就係指定的拜年食物，香港人喜歡煎年糕，喻意步步高升。我媽媽的家鄉只會奉上紅薯糖水加蛋。

今日煲的紅薯糖水係加了黑芝麻湯丸，味道當然更加特別啦，其實這個紅薯味道真係番薯味道，口感亦係番薯的口感，可能只係媽媽家鄉稱紫心蕃薯做紅薯啩？! 但這個紅薯煲出來後的水都變為紫色，我覺得佢個紫色比較令我覺得特別。