臘味蘿蔔糕

上星期整個底蘿蔔糕一早已經食完，上次用左切條的方法整蘿蔔糕，今日又試下刨絲試下邊款會好味D，原來刨絲用蘿蔔的份量會多出一倍，上次用左斤半蘿蔔，今次一開次我都係刨左斤半蘿蔔，見到刨完絲之後得好少，所以最後我刨多左一個蘿蔔，見到蘿蔔的份量多了，所以臘味都要加碼，點知整完之後今次底糕都係同上次一樣，用個9"錫紙盤就可以放得晒，即係同上次一樣，但用的材料多了一倍，希望會再好味D。

因為第一次刨蘿蔔，真係好辛苦，一不小心刨到隻手指都損埋，好彩只係損左小小咋...下年再有機會整的話，真係要小心D。

真係奇怪蘿蔔的份量多了，估唔到粘米粉及澄麵粉係唔需要增多。切條及刨絲最大的份別在於煮蘿蔔時有無水份，前者沒有水，相反後者於刨絲時出了很多水，於烹煮蘿蔔時亦會有水份，我自己於蘿蔔煮熟後將鑊裏的蘿蔔水盛起用來開粘米粉漿！

材料：蘿蔔 3斤、臘腸 4條、臘肉140克、蝦米 60克、冬菇 3隻、乾瑤柱 4粒、粘米粉 6兩 (1兩=38克, ttl228克)、澄麵粉 2兩、蠔油、胡椒粉

起個鑊到炒緊，一條條好短個D 咪係蘿蔔絲，就咁睇係咪好似飯呢:P，就咁睇都知我底蘿蔔糕係超足料啦！