今日天陰陰，天氣報告仲話間中會有驟雨但都無損我地濕地公園的雅興。
由紅磡乘搭西鐵於天水圍下車$17.80，再轉搭輕鐵705號於濕地公園下車$4.00，約一個鐘的車程便可抵達濕地公園。
今次係我第一次去濕地公園，抱有好大的期望，希望可以於濕地公園見到好多的花花及雀鳥，所以失望就越大。濕地公園入場費$30，無可否認濕地公園的空氣真係好清新，有一種接近大自然的氣息，但係入到去可以講係無乜野睇！
今日去到濕去公園真係好大風，我係完全唔記得天水圍會比起市區低幾度，我著唔夠衫，所以一路行一路勁凍，凍住咁行起個D觀鳥屋度吹住風觀鳥。
其實觀鳥只可以觀鳥屋入面D望遠鏡睇，可能今日天文台話會落雨，所以濕地公園都唔算有好多人，但係要等用個望遠鏡真係等到傻。今日去到其中一間觀鳥屋又令到我大開眼界，今日見到一個龍友拎住一個好大的長鏡相機去影候鳥，我係咁起佢旁邊望住佢影相，嘩！一個咁巨型的長鏡真係可以影到候鳥的面貌及動作，可惜的是我部相機係完全影唔到...
去到濕地公園已經12:00，但濕地公園附近無食肆，所以唸住入到去濕地公園再買一些小食吃，入到去好快就比我見到間大家樂，雖然我真係唔想幫襯佢，但係d 人又話肚餓要食午餐，所以我就入左去食野，這間大家樂可以選擇的食物十份之少，但係環境就好舒適，我今日揀左個位可以望住個湖睇住d候鳥進食，真係一件好開心的食飯地方！濕地公園的入口處係有汽水機下次再去就唔駛一早買定飲品拎入去啦！
食食下午餐開始下雨，所以食完野之後坐左起度等停雨及觀鳥，到13:00左右雨已經停了，所以我地開始行出去觀賞，完來濕地公園都唔算好大，行左兩個鐘左右都差唔多行完，到差不多走的時候面勢開始大了起來，我地又無帶雨具所以走左去d亭到避雨。到雨停了我們就離開濕地公園，今日全程起濕地公園只係用左3小時。
我就係坐起這個窗邊望住個湖睇住d候鳥，個種感覺真係好free
鱷魚貝貝
去左濕地公園先至知道原來連花係有幾隻唔同的顏色分別有紫、白、桃紅及橙粉紅色，而我最喜歡的顏色就係這種。
紅色炮杖花
含笑，花期三至五月
於浮橋的出口見到好多的樹葉都有一個個的窿，再離下見到葉片上有好多一隻隻唔知係乜的東西
蒲桃，花期：三至四月
紅樹林
紅花八角(鄧氏八角)，果期：七至八月，但係點解我今日會影到佢呢？
濕地公園內的展館
龍吐珠
走時只係15:00所以我地就轉乘的士去流浮山，起濕地公園附近係無車可以直接去到流浮山，的士只係唯一的選擇。由濕地公園搭的士去流浮山$27.50，其實我都唔知去流浮山有乜野睇，只係佢話要去流浮山買蠔豉，所以我就跟埋去睇下。下車時見到有好多海鮮酒家，同埋一個街市，我地行晒成條街市，鎖定左要去邊間鋪頭買野，之後臨走時先至一次過買費是拎住佢行來行去。
今日去到流浮山海邊附近真係令我這個孤陋寡聞的人見識又增加了一點點，我地行到去最入最近海邊的地方，有d 漁民起度叫有蠔豉試食，因為我地真係想買所以就大膽咁走去試食，食食下有個叔叔見到我八八卦卦咁起度望住佢，佢就好好人咁拎起成串蠔比我睇，仲即席開埋蠔殼比我睇下隻蠔有幾肥美，又試食過又睇埋作個開蠔過程，我地總共放抵左$300.00走左斤半黃金蠔豉...
仲起一間叫泰興的店鋪買了其他的手信，行入去的時候見到有好多明星都於該店留念，我唸這間店都應該係幾出名，所以就買多少少零食離開啦！
叔叔展示的這款成隻手咁大的生蠔非常之肥，叔叔話生蠔$50/斤，一斤約有12-13隻。
今日我就係買左這些金蠔啦$180/斤
行完流浮山已經滿載而歸，見時間尚早，起流浮山附近又有一個
流浮山休閑農莊-士多啤梨自摘園，我就抱住去玩下的心態行過去睇下，入到去士多啤梨園的範圍見到好多士多啤梨，每磅$50，我地係咁行呀行去揀我地覺得又甜又靚的士多啤梨，摘完士多啤梨成手都有陣好香甜的士多啤梨味！
離開士多啤梨園又係時候唸下點樣可以出返市區，其實真係無乜idea可以點離開，好在最後起流浮山街市入口度見到有一部廣鐵接駁巴士可以去到天水圍/元朗西鐵站$3.80，我地就搭到去元朗站下車唸住可以轉紅色小巴出旺角返屋企，點知我地行來行去都搵唔到小巴/巴士，最後，我地都係搭返西鐵，早知係咁一早就起天水圍落車咁咪唔駛起條街到行來行去啦。
