曲奇四重奏

之前聽同事介紹曲奇四重奏，襯住之前去開九龍城食飯所以順道去買返一盒試下，因為平時我真係好少會去九龍城，咁難得的一個機會，我當然唔會放過啦！原來曲奇四重奏間鋪搬左位，害得我起條街度行嚟行去，好在我條街到行來行去發現唔多妥當，所以即刻上網搵下間鋪個正確位置，部電話有得上網真係好方便！所以電話係不得沒有上網這個功能罷！

曲奇四重奏最出名就係蝴蠂酥，所以我都買左一盒帶返公司與同事一起share，其實曲奇四重奏仲有其他款式的曲奇，於店內可以試食，但係試食後我都只係想買一盒蝴蝶酥，返到公司打開個盒時可以聞到一陣好香的牛油味，好脆卜卜，又唔會太甜，真係食到停唔到口，但係一盒都幾貴$98，所以唔可以成日買來吃！