大澳

今日又可以帶我部相機四出去試機，一早已經安排好了入去大澳觀光，見尋日落雨本來都唸住今日的活動要取消，但係今朝起身見天色都幾好，應該唔會再下雨，所以就即刻起身準備出發，我地個路程係搭巴士去東涌再轉乘大嶼山巴士到大澳。

我乘搭E21A去東涌$14.00於東堤灣畔下車 (望到覽車之後個站下車)，車程約1小時10分鐘，之後轉乘大嶼山巴士$19.20車程約40分鐘，入到去大澳都差不多3點。

於大澳下車就沿途已經有一些快艇可以乘搭出海去睇中華白海豚，今日好大霧所以我完全見唔到中華白海豚，坐這艘快艇$20，可以乘坐20mins出海觀看風景！快艇開得好快，沿途都好大風！

今次用部新相機影出嚟d 相無輪顏色各方面都好好多。

我就係坐這艘快艇出海

將軍石

這個是蘆薈的花，見到有隻蜜蜂起度採蜜，順道可以試下部相機的拍攝效果

這棵桔仔好香噴噴

起大澳四圍都可以買到紫貝天葵，仲有得試飲，我地見這間餐廳比較乾淨，加上佢的豆腐花好出名，所以我地就起呢度買左一枝大的紫貝天葵$10，酸酸甜甜幾好飲，仲可以清熱，當涼茶飲都唔錯！

很特別的紀念品，係用背殼砌出來的。

碳爐燒雞蛋仔每日售完即止，想試就要快d 去買啦！

用碳爐燒出來的雞蛋仔，又唔係特別脆，只係見碳爐燒比較特別！

糯米糍

勝利香蝦廠~行渾成個大澳都只係見到這間蝦醬廠有生曬的蝦膏，仲現場製作緊蝦醬，我當然都唔買了一個蝦膏做手信啦！塊蝦膏又唔係好貴大size $30，細size$22。

沿途四圍都有得賣碳爐燒魷魚、賴尿蝦，而這間鋪比較特別，起度曬緊醎鴨蛋及咸魚，見佢咁特別，我地見行到好攰仲有d 肚餓，所以就買來試下！