香港花卉展覽2011

自從我開始識得種花後，我就越來越鐘意賞花，今年係第一次去香港花卉展覽，原來香港花卉展覽每年都有一個唔同的主題，今年個主題係報春花，所以起會場內到處到可以見到不同顏色的報春花。花展係由尋日開始，我唸住越早去越好，因為D 花會枯萎，如果等到最後個幾日去可能D 花已經無咁靚。

香港花卉展覽成人入場費為$14。今日去到維園約2:30pm，但係個入口已經擠得水泄不通，好多拎住單反的攝影人士來影相，我去的目的只係賞花，但都不忘拎部傻瓜機影底d相去留個紀念，當我拎住個傻瓜機起度影相時，與專業的單反成了一個強烈的對比！弄得我真的好想擁有一部單反，唔係無錢買，只係唔知買左識唔識得用，加上家人的反對，所以成日都係唸下就算，希望終有一日我可以擁有一部單反啦！

估唔到花展可以有咁多野睇，我起個花展內行來行去都行左3個鐘，因為夜晚約左同學去bbq所以迫住要走！完來起花展買盤栽係可以咁平，真係平到你唔信，蘭花都係$100/3盤，而我今日帶走的手信就係一盤紫羅蘭&車厘茄，可以賞花又可以購物真係一舉兩得！

跳舞草~植物上的小花會隨著音樂而擺動，但係看了很久亦不擦覺這幾片小葉子曾經擺動過...

於花展場內隨了可以見到好多人拎住部好專業的單反外，無意中比我見到這部好特別的相機，雖然我唔識得這款相機的型號或功能，單憑它的外表，亦都吸引左我去影底張相！

於花展會場內的小賣部可以買到壞舊糖蔥餅，我都應該有好幾年無食過，其實糖蔥餅這個小食都幾好味，但想再食真係唔知可以起邊度買到呢？

今日買到的手信，估唔到花展都會有車厘茄賣，仲要係一串串個種$15/磅，店主又不斷推介我地買紫茄，又比我地每款都試食一粒，如果車厘茄&紫茄要二擇其一我只會買紫茄，因為紫茄實在係太好味，唔知起街市會唔會買到呢？
另外一份手信紫羅蘭，本來係想起發叔個檔到買，但係發叔d 花又未開真係好難揀，所以我最後都無起發叔度買，我四圍行，無意中比我見到一個檔攤有這款好特別的紫羅蘭賣，仲要係超平$15咋，我買的這盤係S570 Enchanting Waterfall (Sport)。

回家後再細看佢d 泥好污jo，現在有少少怕起d 泥度會有蟲，因為佢d 泥太濕，過多一個星期等我幫佢消毒完順道換埋泥至得！