神阻擋驕傲的人、賜恩給謙卑的人。(雅4:6): 索罟灣~漁民文化村

2011年3月13日星期日

索罟灣~漁民文化村

下星期開始要連續返14日工，我當然要好好珍惜埋今個星期最後一日的假期，繼尋日去左花卉展覽及BBQ，今日個行程就係要入南丫島，去南丫島做乜？

當然就係又玩、又食、又行山啦！今日真係玩得好開心，開心其實真係好簡單，一D好簡單的事物都可以令我樂透...

其實三年前我生日都已經安排過去漁民文化村，奈何上一次miss 左班船，又唔想坐起碼頭呆等，所以最後放棄左。轉眼間已經三年啦！今日我終於都再次安排去這個地方！

其實我都唔識路，起出發前只係上網睇過個大概位置，依家去玩多數都係我自己安排，check 埋交通咁就去，同行個個人，個postition 真係同行，完全唔理我會帶佢去邊.....
今日11:00am 去度碼頭，同上一次都係一樣剛剛miss左一班船，我地去左IFC買左杯GODIVA飲，之後就去行citysuper，再行返去碼頭下一班船就差唔多到啦，由中環搭去索罟灣要45mins；而由榕樹灣返中環就要25mins。

$98的套票包5張遊戲券、1張小食券及1張9折coupon。每張遊戲券價值$10，而小食券就可以選擇換購魚蛋 / 燒賣。因為買左這個package 所以我玩到好多次釣魚呀！

由碼頭坐這艘接駁船到漁民文化村

導賞員展示漲卜卜的雞泡魚

海參

短刺海膽

紫海膽

紫海膽的背面

海星~導賞員哥哥唔講我都唔知，原來海星多數會晒乾後用來煲湯

小海星BB~好得意

龍舟，龍舟上有個鼓，我當然係唔執輸坐左上去做個鼓手打尌啦！

無鈎釣魚區用的魚杆及魚餌

無鈎釣魚中~可能我地好早就玩這個遊戲，D魚應該仲未食野，所以我一放D 魚餌落個漁排度，D 魚全部游晒過嚟。到臨走時再釣多一次d魚係好明顯唔多so 我，所以要玩就一定要早d 去啦！

比條大漁咬住我枝魚杆，我當然係想釣佢上嚟就用盡力拉佢上嚟，點知條魚好叻即刻放口，條魚餌就變成咁斷開兩截！

仲彈到我成手及身都係海水

到我差唔多臨走時見到有人起無鈎釣魚區度釣到條大魚，我起遠處即時9秒9跑過去影返張相啦，而漁民文化村的職員都好緊張咁跑左過去。
我初時都以為個無鈎釣魚區只係用魚餌來餵魚，原來唔係家，真係有機會可以釣到大魚魚家！

玩完無鈎釣魚去實在係太興奮，於是再用兩張遊戲券去有鈎釣魚區用有魚釣的魚杆釣魚，兩張遊戲券可以換到3條魚餌，魚杆只係一D好簡陋的竹杆，無乜耐性的我因為玩完無鈎釣魚見咁快有魚游埋嚟，到企左起度咁耐都無乜動靜所以已經唔係好想玩，加上D魚餌好臭，真係百般不願意企起度等。
當我等、等、等......的時候感覺到有魚咬我的魚餌我又好興奮，但係好可惜我一次又一次咁比D 魚走甩左，期間有個導賞員哥哥叫我唔好咁緊張，放鬆D 就可以釣到，導賞員哥哥仲起我側邊教我釣。導賞員哥哥仲話我好好運次次都有魚游埋嚟食我D 魚餌。最後，我當然就係靠自己可以成功釣到一條大魚......

有鈎釣魚區用的魚餌

可以用游戲券換一桶魚餌餵魚，但係D 魚餌實在係太臭，加上有好多烏蠅，我又唔想整污jo 對手，所以無我玩過這個玩意！

因為我買個套票係包5張遊戲券，之前玩無鈎釣魚時有個鬼佬同我講過野，我見佢有個小朋友，加上我地已經玩夠，我張我地剩左的遊戲券送左比個鬼佬，個鬼佬真係好客氣，買左兩支飲品送比我地，話當係識個朋友，仲話希望下次仲可以起度見返我地喎！就係咁又令我個回憶增添了小小色彩！
我地起個漁排到逗留左3個鐘，見時間尚早加上又未肚餓，所以選擇了行山由索罟灣行去榕樹灣 (其實我無check 過個路線，今次係亂咁行家，咁都返到屋企真係感恩)。
沿途有好多路牌指示，加上又有好多人行，所以都唔怕迷路，全請用了1小時45分鐘就可以行畢全程，沿途的風景真係好靚，沿途都會有士多，所以下次可行到口渴先至買野飯都得！