終於都換左部相機啦，今次換相機的原因純粹係為了畢業典禮而準備，距離畢業典禮的日子已經越來越近，而year end 亦令我忙到透不過氣來，終於都抽了少少時間早少少放工去左旺角買，最後我係揀左Olympus XZ-1，我自己一直都係用開傻瓜機，所以想買一部半專業的相機玩下先，到我真係識得用我先至再買過部單反。
Olympus XZ-1都係岩岩出左幾日咋，所以好多地方都已經賣晒無貨，最後我都好好運地起最後一站的豐澤買到，買的時候我都唔知部機幾多錢，因為今次部相機係有一位善長送比我做畢業禮物！
其實佢一直都反對我買這部相機，佢覺得我實唔識得用，但佢又見我咁想買，同埋佢個光圈又比起Canon S95大，拍攝模式又多了幾個，加上價錢都係差幾百蚊，所以最後我都買到Olympus XZ-1。
部相機比起標價平了$100，付款時只係付了$3,690.00。仲有一塊代用電、8GB SD咭、腳架、card reader、相機袋及一個杯送！今日好開心咁拎住袋玩具返屋企，一入到屋企就比屋企人鬧我，唉！天呀，畢業咁開心買部相機拍低開心的回憶又有乜錯呢？仲要話我係購物狂，um....我只係近來每日都買少少野返屋企，做乜話人地係購物狂喎！
沒有留言:
張貼留言