蘭芳園

返左三個月工，今日係第二次有同事約我出去食飯，其實我自己都過慣左一個人食飯的生活，加上之前公司的人士關係，所以我更加唔想與其他同事打交道，姑勿論佢地有無機心，但係單純的我又唔識得去防範人，所以總係覺得獨個兒會比較好！

其實我尋日已經推左今日個飯局，但係又見同事已經打左電話返屋企叫工人唔好留飯，所以我今日就破例出去同佢地去食一餐飯啦！

佢地尋日已經唸好左今日要去食蘭芳園，所以我今日只係跟住佢地行，嘩！今日著左高跟鞋又行上又行落，最後先至知道完來蘭芳園都幾新上環，本身有腳患的我，行到我對腳鬼咁痛...

原來蘭芳園都幾出名，今日去到都排左一陣隊先至有得食，因為太多人排隊，所以職員見我地枱面太耐無野食都唔駛叫就幫我地追單，緊係啦等我地快D食完可以早D 趕我地走，再做生意嘛！

今日我揀左一個叫心多多撈丁，個名好特別，分別有五香肉丁、雞翼、煎蛋。其實係一個無乜別的食物，五香肉丁又係平時可以起超市買到個D，雞翼味道都無乜特別，嚴格來說唔覺得佢有甚麼特別！

至於杯奶茶，真係好香滑，好重的茶味，但又唔有苦澀味，越飲越鐘意！