今日去左澳門上team building，上星期五公司已經派左來回船飛給我們，天啊！又係要準時去到碼頭，唉！自知自己係唔會守時，所以一開始知道要去澳門training 時我已經講定我可能有機會會遲到上唔到船。
公司要求我地8:30am起過左關個度等。Daniel 7:00am已經send message 比我叫我起身，Daniel知道我唔會聽電話又怕我真係起唔到身會遲到，所以佢就用另外一個方法叫我起身！我收到message 個時其實已經起左身好耐，仲已經起度化緊妝，因為我都怕自己會遲到，所以無時間覆佢。
其實我已經預早左20mins 起身，初時都唸住實可以準時到達，誰不知，我自己預鬆左d 時間，我上左巴士後非常之塞車，8:10am依然未入到紅隧，個心招急起來。於是我又同主講，主啊求你讓我能準時到達！我初時仲以為班船係8:45am，當我拎張船飛出嚟睇時先至知大鑊，原來班船係8:40am 開出，個刻個心真係急到不得了，因為好緊張所以搞到我胃痛。因為上唔到船真係好樣衰...接著我再覆埋Daniel個sms 話佢知我可能會遲到...到差唔多8:30 Daniel打電話比我問我起邊，佢打比我個時我都差唔多落車，Daniel仲話我有10mins 應該可以趕得切上到船。佢話比我知係起西橋上船，叫我行去麥當奴個邊上去就係，但係無乜方向感的我根本都locate 唔到麥當奴的位置。個人越係急個天永遠都係唔會比你順順利利咁去到目的地，差唔多去度巴士總站，竟然有盞交通燈岩岩轉紅燈，距離開船的時間越來越近所以真係急死我啦！到我搵到麥當奴時，點知起麥當奴旁邊條自動電梯維修緊，我又要跑去老遠條自動電梯到上去。
好緊張因為入到去西橋仲有2mins 就到8:40am，我拎左張飛出來比船公司d 工作人員check 飛，點知個職員一睇到我張飛就話我：「小姐夠晒鐘啦！隻船就開家啦！你行快d 啦！」我真係好心急，因為我仲要去排隊辦理出境手續，好在e通道無人排隊，我好順利咁完成出境手續，上度船岩岩8:40am，真的很感恩！我D同事坐左起門口附近，我一上到船個個都好開心，因為我唔駛咁樣衰嘛！最後班船約8:48am 離開香港。因為我太遲上船所以我要自己一個人坐，我又唔係太眼瞓所以用左一個鐘的時間靈修。
好快就去度澳門外港碼頭，一出到去離境大堂已經見到十六蒲的職員舉住個牌等我地。我地乘搭酒店安排的專車去到酒店training。
去到酒店meeting room，已經準備了小量的食物給我們食飽就開始上堂，個training 係由haac提供全英文，一開始同我地做d熱身運動，手腳唔協調的我，最後都係放棄企左起度望住其他同事起度做。之後就開始係講theory，一講就成3個鐘，theory 個part 瞞到爆。
今日主要係講DiSC，DiSC係D乜呢？
Dominance, Influence, Steadiness, Conscientiousness
其實一路講Lorita 一路起我身邊同我講你又中，你一定係D，佢仲舉左好多個平時我同佢講的工作事情來舉證。到成個theory 講晒我地就要做一份問卷，個份問卷係用來介定我地係DiSC邊一種性格。份問卷總共有28題，我一向睇野都比較慢，Lorita 做得鬼死咁快，一路做一路笑，我問佢笑乜佢即刻大笑話“跳皮”呢個你呀，點知份問卷有好多地方都有“跳皮”呢兩個字，我再同Lorita澄清我係“唔跳皮”佢依然都係起度大笑，我唯有“薯”佢等佢知道要靜，等佢知道自己會騷擾到其他同事。搞左一輪就到教我地點樣計分，最後，我個結果係D。
之後到分成四組準備下午的分組活動，今日共有40人唔知D 同事點分組，分到我個組有12個人，搞到我比人當人球咁掟來掟去，好在我最後都係去返第一組。分好組之後就要起個board度寫返自己個結果出嚟，要寫最高分個兩個我係D&C最高分，但係D係頭C係D尾，只有canice 係同我一樣，話晒canice 都係manger，我同canice 係一樣搞到我好outstanding。其他大部份同事都係C&S，而我地個隊就無i。
今日個training主要的目的係透過團隊合作完作今日所有的task。我地首先find out 左我地個weakness出嚟，再針對個weakness 來overcome。之後我地要製作一支旗出來，我地要為我地個條team 改左個名，因為我地條team d 同事D&C 係最多，所以Jesper 建議個隊名用D & C 開頭。無論改隊名&製作我都無分參與，因為勞作我無乜天份，至於隊名當然都係其他同事唸啦！好快我地就決定左我地個隊名啦~ Dream Catcher。
整好支旗就可以去食lunch，個lunch 公司已經為我地預備好，起十六蒲食buffet，好失望十六蒲的buffet選擇小，而食物方面一d 都唔好味...
是日於十六蒲食的午餐
食完lunch 我地各自去拎房，公司為每位同事安排左一間房間，我拎左房之後將我帶過去的行李放低後。
呢間房就係我住的房間Room No.1313
公司的安排真係好貼心，唔須要我地同其他同事一間房，讓每位同事都有自己私人的安間，同時亦為我們預訂了Double King Size的床，今晚就係我自己一個瞓住呢張咁大的床
我間房係望海
窗外的境觀，樓下係酒店泳池，再望一排停泊的貨船
浴室
浴缸
企缸
酒店提供沐浴用品
2:45pm左右就落返去食buffet 個度集合準備3:00pm再開始下午的training。去到樓下Daniel無端端起度講話個櫃有本聖經，真係估唔到D男仔會咁細心，入到去酒店會檢查晒房間內有甚麼東西，之後Daniel講有關鬼的事情，於是我告訴佢只要作一個禱告就唔須要驚。Jesper 當時企起我隔離，可能佢聽到我咁講啦，到開始活動的時候起威尼斯佢問我係咪基督徒...
下午個活動真係超級辛苦，大會為我地預備左$800比我地用，因為個活動個係須要買野&搭車，用淨的錢係要比返大會家！首先，我地要用啤牌砌到一個三角形成一直線，又要d 啤牌可以企到起度唔會跌。到砌到就可以開始下一個task，下一個task 係要動動腦筋，起十六蒲完成左兩個task後，又要選擇下一個活動地點，我地揀左鳥結糖，而鳥結糖的路線係去city of dreams，我地十個人起十六蒲門口唸住搭的士去，但要起澳門截的士真係好困難，我地等左一陣都無的士，因為有時間限制所以我地改搭巴士。
搭左成20mins巴士，我真係好慘有兩個細佬企起我後面，佢地由上車就打架打到落車，我已經係咁望住佢地，佢地都知自己打到我，但佢地全無悔意，明知打到我無道歉都算，仲要係繼續打架，唉！今時今日d小朋友唔教真係唔得。
一落巴士全部同事都起度跑去目的地影相，平日少做運動的我真係跑得好吃力，影完相之後個個task 係大家要用眼罩蒙眼，之後要根據生日日期排成一直線，但係大家係唔可以講野。又唔可以講野，又唔蒙住眼，於是不斷有人起度捉住我隻手起度寫自己個生日月份之後再寫日期，如是者一個跟一個搭住膊頭排成一直線，我地錯左一次之後要再排過，好在第二次已經可以順序排到一條直線。
之後就要去威尼斯，好在威尼斯起city of dreams對面，於事大家又再開始跑過對面。去度威尼斯因為要爭取時間所以都係繼續跑，成個過程又要動腦筋又要跑真係好辛苦。我真係跑到斷氣咁濟，我地為左要慳時間，唯又用最快的方法去到目的地，最快當然係問商場的職員，當我地跑到去問兩個葡國藉的保安員，佢見我地起度跑答完我地叫我地DON'T RUN，我地一行到去轉彎位就開始跑，比保安員看穿左，我地一起步佢又大叫DON'T RUN，嚇得我地即時停左起度。
我地今日就好似D 小朋友咁起個商場度跑來跑去，其實咁大個人再睇返呢件事真係覺得好好笑。我地分三批起威尼斯搭的士返去今晚晚餐的地點~澳門陸軍俱樂部。一team 十個人準時5:59pm入度去我地個第二隊返到去。
之後我地每人要吹一氣球，每個人都要將個氣球放起心口，再一個跟一個夾住個氣球行入去個台到插旗，期間個氣球係唔可以跌落地下，插好個氣球之後我地要夾爆個波，行入去個台度都已經好困難，更何況話要夾爆個波。
等齊四隊都返到去澳門陸軍俱樂部後，我地又要開始下一part 就係要就今日個team building 做一個conculsion，要就要以下三個point 做及唸一個slogan 關於今次個training。
- happiness
- difficulty
- team work
Slogan
We dare the dream
We catch the goal
We're the dream catcher
我地今日個presentation 攞左獎，雖然今日個training 真係好辛苦，但係都玩得好開心，儘管所有的task 都係好辛苦，但係最後我地都可以overcome 到。好開心公司可以offer 到一個咁有意義的活動給我們。
沒有留言:
張貼留言