蠔豉瑤柱菜乾豬骨粥

自從上星期煲完湯之後，我的下廚癮又發作，早幾日已經上網搵定煮乜好，我自己都係偏向製作煲或者係蒸的餸菜，只係想吃得清淡一點。

左唸右唸最後決定係煲粥，其實我自己係從來都未試過煲粥，所以今次又有一個難題就係水&米的份量是多少，太多水又會變左稀粥，太小水就會煲到變成飯仔。今次對我來講又係一個新嘗試，上網搵了很久都找不到一些網站有提及水&米的比例應該是多少。最後比我起煲湯個煲本說明書度搵到水&米的比例係1:12，我自己覺得1:12好似太少，所以我再落多兩碗水。
初時都比較恐慌會失敗，好在最後煲了出來真係一煲好綿的粥，又成功了！
今日用的豬骨並非我自己醃的，係我起燒肉店買回來的燒肉豬骨$10兩件，之前聽D舊同事講過用燒肉豬骨煲粥可以下火，所以今次我又試下，其實人生都係不斷學習、不斷嘗試...今日我的知識又增多了一點點...
材料：米、菜乾、蠔豉、乾瑤柱、豬骨