303 Optimara Everlove 太空花

27/2去了發叔度買盤303回家，等了兩個月終於都開花，今次開個朵花真係有小小意外！因為同我當日起發叔個到見到個樣完全唔同，仲有小小似我本身已經有的8號，但係今次個花係淡粉紅色，原本捆青色邊依然能夠保留。

今日終於都忍唔住打電話去問發叔，為何我盤303會開出來變左一個對唔齊的十字花。
我一同發叔講，發叔就話我知303叫太空花，佢本身個品種係咁，有機會會開唔到完來個樣，仲話佢可以一年四季開出來個花都唔同樣，佢叫我再耐心種下，這盤太空花下次再開花時，亦都唔會開返今次個樣，因為得到發叔的詳細解答，我又安心繼續種下去，希望佢下次再開花時又會變了第二種顏色出來同我見面啦！

26/04/11 我盤303 今次開出來個樣

5/5/11 過了幾天朵花的顏色明顯變得深色，所以越來越似我盤8號。

原本起發叔度見到個樣係咁GE，早幾日去發叔度都見到佢，仲要個顏色係一模一樣添，唉！早知我遲D 買啦！咁我咪可以擁有到我想要的顏色。