復活節假期時起發叔度買了盤S516+，其實買盤S516+時都覺得D 葉好軟，我買的時間已經問過發叔，發叔話只係近來天氣熱所以才會這樣，過了不到一星期葉片軟的情況都沒有改善，仲發現有一片葉片開始由根莖部開始腐爛，心急的我當然即時將腐爛的葉片移除。
過了幾天情況好像改善了，於是又繼續安心種植，點不知過了一個星期，有又一片葉片由莖部開始腐爛，如是者我又將它移除，再過多幾日又有一片葉片出現同樣的情況。
今日眼見情況已經每況愈下，今日共有3塊葉片出現問題，於是我不得不打電話給發叔請教，唔知發叔係咪記得我呢？發叔問了我幾個問題，有無開冷氣，我回答道：「已經將盤S516+拎左返公司仲比埋風扇佢地吹，所以熱得濟根本唔成立。」之後發叔話應該係個盤太大，所以浸爛左佢地。發叔教了我救救紫羅蘭的方法，首先將紫羅蘭的取出，再用清水洗乾淨D泥土，再刮走腐爛的部份，之後再將腐爛的葉片移除，如果有花蕾的亦都須要一併移除。我盤花本身已經有5個花蕾，現在都比我移隨了....發叔話刮走腐爛的部份後再吹乾一晚，明天再淋水。
當我取出盤花後見到花盤內仍然有好多水，雖然個花盤好疏水，但係個盤實在係太大，經過今次我終於都明白為何種紫羅蘭花盤太大又係一個問題。
今次好明顯係花盤太大，水份無法流走以致長時間浸住盤花而引起腐爛。
我醫治紫羅蘭時發現S516+已經命不久矣，而經係爛到無得再挽回的地部，希望今次可能救回它罷！
發叔話如果我救唔返盤花下次送返個同款的花苗比我喎！發叔實在係太好人啦...我當然希望能夠救回紫羅蘭的生命啦！
因為葉片由莖部開始腐爛，以致葉片無法吸收水份變軟
腐爛的部份
刮走腐爛的部份後
總共移除了四片腐爛中的 葉片
經我悉心的醫治後，S516+由變回輕量級...由於腐爛的情況好嚴重，希望能夠救回它的生命啦！
沒有留言:
張貼留言