Flower

今日堅持唔返工，因為要預少少時間比自己為畢業禮而準備，其實畢業禮越來越近，但係我對畢業個份興奮的心情亦隨之而減少...因為year end所以忙到畢業禮都差唔多到都唔記得左，只係早幾日細佬問我畢業禮想要咩花佢要去訂，我先至記起，可能返工太攰都無心機同佢傾，好快就答左佢唔要花，老豆聽到即刻話唔好，點都要買一扎花去影相喎！佢話反正都係細佬送，緊係要買喎！其實係我自己覺得麻煩又要一朝早去拎花，但係老豆哦左幾日話一定要買，咁我就抽左幾個鐘的時間去左花墟揀！

一向都知道影畢業相主要都會用太陽花，因為太陽花好鮮色併起件袍度個顏色會好鮮明，我去到第一時間就起度睇太陽花，但係太陽光真係普通到不得了，本來唸住自己併下有d咩花係鮮色d，無意中比我見到這間順通花店有蘭花ge花束，我行左成個花墟只係得這間花檔有蘭花，當我問完價錢後又有少少豫疑，心大心細都唔知買太陽花定係蘭花好，好在花店個店員比我影相，我依家基本上無時無刻身上都會袋住部相機，所以我即刻拎部相機出來影低睇下邊個個效果好d，真係唔駛講太陽花真係好鮮色，而蘭花個效果又真係唔差，影出來的效果都幾清及幽雅，一向都接受新事物的我最後係選擇了蘭花作為我畢業禮用的花束。

睇睇下我想訂個扎花好似細左少少，大家都知我家啦，我一係唔買一買當然係要最好ge，我見到display 有一扎有12朵花的花束，睇落去好大扎，抱住佢影相好似幾靚，於是我又問店員，這扎花會否過大，店員問我咩人用，我話係我影畢業相用，佢話咁扎花太大唔岩我，仲話唔係錢唔錢ge問題，佢話太大束一來我拎唔到，二來影相唔靚，所以最後我都係揀返6朵一束ge 花。等我post 張相出嚟比大家先睹為快啦！
我改動左我扎花的襯花，因為想影出來個效果更靚！

我要個扎花大致上都係咁ge，以惠蘭為主，個襯花改配了下圖個粉白桔梗 $230

當我決定左買蘭花時我就起這兩個顏色中掙扎，因為兩扎都好靚，但係影相只終都係黃色會出d，所以我最後都係揀左黃色惠蘭

初時一直都係唸住買這款太陽花，但係越睇就越覺得佢太普通，所以最後放棄左佢，這扎太陽花相比起蘭花仲平好多，這扎售$150