Annual Dinner 2011 @ Conrad

今日去完畢業典禮就即刻飛的去金鐘出席公司的annual dinner，去到會場約7:40pm，Lorita send msn 話我知佢地都係岩岩坐低，我去到仲要換埋套衫，因為我今日要配合返公司個annual dinner 個主題~70's 所以我揀左要著魚網絲襪，咁大個人都係第一次著，原來要著起對魚網絲襪都幾麻煩，成對襪都係好多個格格，幾經辛苦終於都穿好對魚網絲襪，入到會場annual dinner 已開始左。

我坐底後就即刻同同事影返d 相先啦，唔好浪費大家的造型費用嘛！

完來公司個annual dinner 都幾悶蛋，只係邀請左一個司儀，今年公司用的司儀係楊洛婷，而表演環節都係由公司的同事報名參加，我地條team今年都唔知搞乜又話要參加，我去過咁多間公司做，對我來講有一間公司可以比我地有一個咁好的回憶係一件好事，絕對值得參加起碼於將來起回憶入面都可以多了一件很難忘的回憶罷！今次雖然我無份上台表演，但係我係有份參與同事的排舞真係好開心及好搞笑。希望下年我都有機會可以有這個經驗啦！

今日入場的禮品係shanghai tang passport holder，而我今日唔知算唔算得上叫lucky，因為我一入到場已經中左table prize，之後再中了一份細獎，一入到去仲左細獎即係無機會會有大獎啦！原來公司的獎品由第20份開始已經係好貴家啦，大獎仲要係超過6位數字的禮品，當我聽到禮品的價值真係嚇了一跳，簡值係大開眼界。到最後annual dinner 接近尾升，當然係要d MD 攞cash 出來抽，這part又令我再一之大開眼界，真係估佢唔到MD 會拎咁多錢出來抽，仲要係MD拎出來抽個D 錢係一人獨中。第一位MD 比$8,000，第二位$18,888，第三位$20,000，第四位$38,000，之後仲有幾位MD 係比product，有兩位MD比$40,000。雖然我無份中呢D 現金獎，但係見到其他同事逐個逐個咁抽中現金獎都替他們開心。
今晚真係好開心，今次這個annual dinner 真係令到我有一個好難忘的回憶！

Theme for annual dinner: Ready for the 70s

今晚的造型費用共$358 (包括裙$270、閃閃帽頭箍$49、魚網絲襪$39)完全無超出我的budget，加上今晚抽到總共$600的cash coupon 完全可以cover 到我的服裝費！

是日晚宴的食物

每位同事可獲得的入場禮品~Shaghai Tang passport holder

今晚抽中的兩份獎品

Table prize: No 6 ~ $100 惠康cash coupon

全晚共有120份獎品，而我就中了114號獎~$500 SOGO cash coupon