Ahava Dead Sea Mineral Mud

這個body mud 都已經買左大半年，之前因為秋冬天天氣乾燥所以唔係咁適宜使用，見現在的天氣比較潮濕，所以又係時候拎佢出來起屋企做個SPA簡值係人生一大樂事。

之前用過Ahava Energizing Body Mud Mask，所以今次可以試另外一個產品Ahava Dead Sea Mineral Mud一盒4包，初時仲以為一包可以分兩次使用，所以剪開了一個好細的袋口方便用完後包裝好留等下次使用，但我個如意算盤打唔響，要敷晒成身，一包的份量係岩岩好，無多無少。

自己起屋企做SPA其中一個麻煩之處係如何敷在背部，我主要都係想敷個背脊因為個背脊好多暗瘡，之前用dead sea mud 敷完之後生暗瘡的情況明顯改善了！
Ahava Dead Sea Mineral Mud係黑色的泥，好容易推開，大約敷15-20分鐘，之後用暖水沖乾淨個身就可以了，因為死海泥含有豐富的礦物質及鹽份，而我的皮膚又偏向比較乾，敷了一會兒之後感覺到皮膚有少少"拿" (如果皮膚上有傷口亦會有這個感覺)。但再過一會就沒有這個情況了。
沖身時要有心理準備因為會弄到成個浴室都係泥土。