Monster Burger

自從轉左工之後，我每日花費起lunch 的錢亦都大幅增加，我自己就唔介意食得貴，最緊要係個食物質素要好。

唔知由幾時開始，個人的價值觀唔同左，或者係近來身邊好幾個年紀大少少的舊同事患了cancer，所以我對人生看得更加難出的捉模，人本來就係無辦法去掌管自己的命運，作為一個基督徒的我，只可以凡事藉著禱告，向天父求告！因為所有的事情都是祂所掌管...

很感恩身邊的舊同事得到醫治後而痊癒，當我聽到佢地分享佢自己的醫治療程，我個心好唔舒服，當中的辛苦難受，電療後無法進食的感受，現在才真正明白為何老人家常說健康是無價寶！

經過最近期的分享，我自己越係覺得應該要花費多少少吃多d 不同的食物，再花多少少錢去不同的地方遊歷，因為我實在係太渺少，我看似比別人更加了解時事、生活、投資各方面的事情，但相比起一些真正有學識的人我仍然係遙不可及！
因為農曆新年，我公司早左cut off，都怪自己之前無認真睇e-mail，等我自己享受左一個星期準時放工的福利後，惡夢終於都嚟啦！今日又要返工，其實我真係萬般不願意的，本來安排左今日去整頭髮，今日返左公司做野，我唸都要過埋農曆新年我先至可以有時間去整頭髮！
今日13:20返到公司，唉！係時間過得快定我我實在太多野做呢，走左時候已經係22:20，但係我完全唔覺得自己起公司做左好耐野，我走的時候仲有幾樣野未做，但係我唔想明天再返去啦，咁搞法真係星期一返到星期日，咁個人會覺得好慘家嘛！
今日又有一個新突破就係得返我自己一個人起公司OT，做到20:15左右，FC走埋嚟同我講Bye bye。仲有仲有個鬼佬老闆走時都有同我講bye bye，第一次有咁ge機會
FC仲叫我唔到做到咁夜，佢話得返我一個好危險喎，我夠想走啦，但係我d 野根本多到做唔晒，有時我會自己起度唸，係咪真係做得到ge 人就要做多d，究竟係咪真係咁唔公平呢？定係天父給我一個試煉，要我學習謙卑呢？其實自己轉左工之後心裏有好多好多的問號，無可否認入到呢間公司真係令我大開眼界...
今日返公司的原動力就係去食monster burger，我星期五已經食左一次，實在係太好味，所以我星期五同自己講我星期六返工就去monster burger 食個tea，做到3點3就係出左去食野因為要等佢整個飽，所以花左一個鐘的時間食tea，其實放假返公司做野個人會變得好精神緊張，好想爭分奪秒做晒d 野去行下街，所以我一路食一路望住隻錶...一字既之曰：慘！
個tea 真係好平$26 仲有轉coffee 都唔駛加錢真係好平，但係個burger 個size 係細左一半(只係個飽細左一半，但係個餐平左足足一半，星期五都係食呢個餐轉飲咖啡要$52)，不過咁仲有我成個餐都食得晒，之前食個正常餐，我食得晒個飽但係只係食到一半薯條，下午茶餐對我來說個份量好好，起碼唔駛食剩浪費嘛！

個薯條又係一個用心製作的食物，即叫即炸。個薯條真係好好好味，係連埋薯皮的粗薯條

真係估唔到monster burger杯星級咖啡可以咁香濃，仲要下午茶餐唔駛加錢就可以飲到，我就緊係唔執輸飲返杯咖啡啦！

用個茄汁盒同個下午茶餐個飽做個對比，我唸大家都大概估到個飽有幾大個

monster burger用ge 漢堡飽係有好多芝麻

側面睇完全見唔到塊牛肉

拎起返飽就可以見到一塊好細的牛肉，塊牛肉好juicy，好香牛肉味

咬開左就會見到塊牛肉都幾厚，雖然佢好細塊

呢個係正常burger 個size，個飽煎個時係已經搽左牛油，塊牛肉有一寸厚 (不個呢個角度未必睇到，下次再影過d時至得！