今日，對我來講係一日好值得我起百忙之中寫起這篇blog 去見證著神的恩典！病足一星期加上要應付考試及超嚴重的OT，真係抽唔到時間出來寫blog，今日好開心可以起工作上榮耀神的恩典！
好耐都無試過病得咁長時間，足足病了一個星期，到今日都仲未好返，真係唔明，明明病只係想準時放工睇醫生，但起這間公司工作好似係一個奢望，究竟我係返工定係坐監呢？
星期一 (3/1/11) 病住返工ar 姐見我好辛苦，叫我下午放假返屋企休息，相反坐我隔離個男仔，佢又係同我一齊病，但佢就無得放工。
返左個多月工，令我最深深感受到有一個好的上司及一個好的工作環境係好重要！我星期二已經見到我隔離個男仔比ar 姐鬧到喊，堂堂一個男仔我真係覺得佢好慘，我見佢同我一齊病緊，佢仲同呻話我病就可以放假，而佢病只係反抗唔OT，ar 姐就係又鬧唔係又鬧，當佢係發洩工具。其實我成日見到ar 姐鬧佢我都覺得佢好慘，但係我又做唔到d 乜野幫佢....
我每日返工除了覺得自己係坐監之外，仲有另外一個感覺就係好似入左戲院睇戲咁，起公司的任何時間都係上演著唔同的戲，而我就只係好似台下的觀眾，望住唔同dept 的同事行入我地個範圍上演著一幕幕唔同的畫面！
雖然我暫時仲係覺得自己起這個舞台上只係一個觀眾，但係隨著時間的過去，好快亦會曲終人散....
星期三(5/1/11)，係我返咁多日工第一日比ar 姐鬧，其實成個故事我覺得自己無問題，只係其他dept d 人個個都好憎我ar 姐，所以個個都想盡辦法想插佢，而起ar 姐個角度佢覺得我比其他人利用左，而直接插到佢！事源有一個showroom 個租約完左我又收到一張租單，我去問ar 姐係咪續左租，佢走去問admin 拎左份未簽的新租約比我叫我照交租，因為有個rent free perid，我公司的做法係要做amortisation，咁我咪拎左份租約去問G/L d 同事，點知就係咁就嘈到去FC 到，話新租約又未有人簽，點解會比錢，又話點解我地會拎到份租約，ar 姐叫我去鬧ge 時間，成個日係震晒，話我間接影響到佢地其他dept 的關係，佢鬧我時叫睇下佢收到個個mail，問我知唔知道搞到好大件事，佢仲同我講，e+嘈到去老細度，你話咁我點同人地去建立一個良好的relationship，佢仲好似癲左咁好大力捉住我隻手，係咁問我點解唔明自己做錯乜！(其實到這刻我都唔覺得有問題，咁公司個做法有rent free period 係要問G/L，咁我都係跟公司做法。我同佢解釋返我個角度，AR 姐係明白我做法係對，只係我累到佢比人插，所以佢好嬲，好在食完lucnh 之後佢好似已經忘記左呢件事，對我的態度又變回原來咁，如果唔係我唸我實好似我隔離個男仔咁日日捱鬧！)星期四 (6/1/11)，仍然在病裏工作，只係想準時放工去睇醫生，ar 姐係都要我地放工之後留起公司開票，因為我唔識得開，我仲累到另外一個同事教我開票，搞到佢無得放工，原來開一lot 票都幾煩，一搞就搞左3個鐘，唔怪得知呢間公司d人無得放工啦...
星期五 (7/1/11)，今日返到公司好平淡咁工作，我隔離個男仔又受靶，比ar 姐鬧到佢體無完膚，因為月頭趕埋數，我隔離個男仔都唔知搞乜，走去問佢條voucher 點入，ar 姐叫佢入去邊d account，佢又駁咀話唔係咁入 (其實都唔係第一次係咁)，ar 姐係鬧到個人好忟，叫個男仔返埋位仲話唔想同佢講野，叫佢跟住張紙照入就得！(而事實係G/L個面嘈話我地入錯)，到lucnh time 個男仔又走去問ar 姐點入，我就坐起自己個位睇戲！ar 姐鬧佢鬧到拍晒枱，話教佢又唔聽淨係識得駁咀，好大聲叫佢坐返埋位唔想同佢講野，但係個男仔好堅持佢個原則，繼續捱住鬧都要問，最後ar 姐好差無端端轉左用英文鬧佢，但係內容都係話佢駁咀個d，但就再加多句話e+係lunch time 佢病緊想休息叫佢唔好再講，佢唔想再講，點知個男仔好堅持咁同佢講話，你唔想講咁佢send mail 問，真係好似未被鬧夠，係都要最瞭ar 姐鬧多佢兩句！
今日同新上任FC meeting，FC 話我地條team 同上年對比人數係多左一倍，而工作量係無增加過，上年我地條team係完全唔駛OT，所以唔明點解我地要ot 到咁嚴重，最後個結論係會將大家的工作重新分配，而我ar 姐起未來幾個月都唔會再做我地ar 姐，佢會處理其他事務，換入左G/L 個同事帶我地條TEAM (佢係我ar 姐個死對頭，但係佢個人好似簡單好多) FC話會協助我地過返一D 正常的放工時間！
今日開完這個會好感恩，本來我係想31/12/2010 resign，但我祈完禱神的旨意係要我留低，雖然個刻我唔明，但係我再無固執地選擇離開，亦無埋怨為何神會為我揀選這個如地獄般的工作地方。原來神係有佢的安排，今日聽到這個好消息，我真係有一份莫名奇妙的喜悅，神的恩典真的夠我用，感謝神的奇妙作為，感謝神讓我起人生的不同階段去學習！
沒有留言:
張貼留言