九龍維景酒店~棕櫚閣

成日搭車都會經過九龍維景酒店，但係從來都無唸過會入去食野。可能一直都覺得這間酒店係國內同胞入住的酒店罷，加上好多年前這間酒店又有人感染沙士。所以我每次經過都只係遠觀！

到近這幾個月，不斷去食不同的餐廳開始留意到都有人介紹棕櫚閣，見佢咁平，又近屋企，所以去試下啦！

我地好準時去到，一開始見到放左好多食物出嚟！但係入到去先至發現完來係無生蠔，一個可以回本的食物都無，真係令我大打折扣！

可能係我地早到，一開始係又好多長腳蟹，非常之新鮮，我見放左咁多出嚟初時只係拎左5隻，唸住試晒其他野先至再慢慢食返我至愛的長腳蟹，點知到我試晒所有的食物長腳蟹係再係出現過，我個fd 先至慘啦！一開始食魚生先，一食完魚生想去拎長腳蟹等左兩個鐘都無出過，到我地食完佢一條長腳蟹都無食過！

最好味就係個辣酒煮花螺，好入味，又好大隻！
估唔到咁平的自助餐竟然有紅燒雞絲翅食，翅的份量都唔少，雖然無蠔食，但有個翅食都叫做底返d。
仲有即場煎的牛扒、羊架&大蝦，味道都好正！
沙律都有8款，但係我唔記得影底去，沙律好新鮮，仲幾特別添！
雪糕只係牛奶公司的雪糕，所以都唔係咁吸引；至於飲品方面就有橙汁、蘋果汁、咖啡、檸茶、檸水。蘋果汁&咖啡都好正！
我起openrice download 左張coupon 再早兩日book 位，咁就可以有75折，折合$253.30。可能係因為太平，所以d 貴價食物好少再出現，就連甜品都係每次出半個，初時我見到都覺得幾搞笑！真係估佢唔到囉，一個cake 有幾貴姐，駛唔駛半個半個出呢？

紅燒雞絲翅

薑蔥焗蟹，又唔熱，d蟹又唔知點解要用炸粉炸過，搞到佢一d 都唔好味

準備走的時候，見到又出左d生果撻，所以又撲出去拎左兩個，個芒果撻超酸，但係個曲奇餅撻底係我至愛！

餐飲當然係我至愛的咖啡，估唔到佢杯咖啡又幾濃滑，仲好味過九龍酒店個杯咖啡