黃珍珍泰國菜館

黃珍珍泰國菜聽佢個名都聽得多，好多人都會介紹去這裏食泰國菜，我今次係第一次去食，為了方便大家離開，我們今次去了佐敦黃珍珍。

嘩！黃珍珍個門口真係好難搵，如果我一早知道起這個地方我真係唔會上去囉！真係估佢唔到黃珍珍會選址於時鐘酒店的大廈內，雖然起遠處可以見到好大個招牌，但係要搵佢個門口真係好難，而起地下可以見到黃珍珍個招牌的地方亦被招聘廣告遮住！最後我自己一個人，心驚膽跳咁朝住時鐘酒店的方向去搵黃珍珍個門口，沿住個樓梯都有D 男人行落嚟，搞到我幾尷尬，真係多得搞手唔少...

平時我食泰國菜都係食開泰屋，如果用泰屋與黃珍珍比較，我只會選擇泰屋，因為黃珍珍的食物唔係樣樣都好味，甚至可以用有少少失望來形容！
一個好普通的馬拉盞炒通菜，竟然可以無乜馬拉盞的味道，而通菜亦好老...
咁多碟餸最差的都係蒜蓉炒蟶子，本來想要辣椒膏炒通菜，但係席上++係完全唔食得辣，為左就佢所以選擇了蒜蓉炒蟶子，但係食第一件蟶子真係超失望，蟶子超UN，又無蒜蓉味！
冬陰公湯又偏向太甜
最好味的就係個鳳爪&併盤 (炸物出奇地脆)，咖喱炒辣蟹D 蟹都新鮮個汁都好味...
黃珍珍比起泰屋平好多，埋單連埋飲品每人都係$140，價錢都好合埋但係個地點真係...以後都唔會再去佐敦間黃珍珍囉，真係邊會揀起個鋪位個棟時鐘酒店個度家！