Hairy Crab Dinner

今日又有一個新嘗試，就係自己獨個兒乘巴士到屯門，平時我地入屯門會約埋一齊起上環等再入去，可能現在大家都係返5日，所以再無好似以往咁約埋一齊入去。完來入屯門都幾方便，我由屋企行去旺角火車站搭67X，約一個鐘的車程就到，本來April 話起巴士站接我，但係我6:00仲未落車，April 又接左dor dor，April 問我起邊，我答佢個地圖話仲有11mins 就到巴士站，April 起度笑~地圖？我話係呀電話有地圖家嘛！咁April 叫我落車再打比我，佢再落嚟接我，最後我係無人接，只係靠我個高科技地圖帶我去到目的地。

個多月前約左一班舊同事出來吹水，完來不經不覺大家又有一年無見，佢地大家第一眼見到我就話我 "靚"左，我絕對相信啦！因為出自迪迪個口(迪迪把口咁賤，講親都無好野，佢讚得我靚絕對係一個事實啦)，以前迪迪成日笑我話我化妝好醜，我今日可以畫得一個自然的妝容都係多得迪迪不斷踩我，及不斷的教導，今時今日我唔畫眼影佢係絕對無機會踩我囉！最記得迪迪以前成日話我條眉畫到好似黃小虎咁，迪迪教化妝緊係識得畫啦，我當時只係一個新手，好在有一班教化妝的導師舊同事，所以今時今日對化妝及護膚都有少少認識！

每年我地都會安排食大閘蟹宴，而每年我地都會起老三陽買蟹，唔知點解我覺得今年隻蟹比往年細隻左，我每年order左兩隻公蟹 (唔知公同乸味道上有乜分別呢？佢地話公好食d所以我每年都係食公咋)，今年大閘蟹又貴左 $136/crab，兩隻$272。