摺心心

今日garce 問我識唔識得摺心中心，因為佢要做姊妹玩遊戲用，佢再比條link 我睇，係我兩、三年前摺的那款！但係我都唔知仲識唔識得摺，因為印像中要用$100去摺係好吃力及會屈到d 手指好痛，有d好細緻的位我要用牙簽協助去摺。我答應左grace返屋企幫佢試下，所以我搵晒這幾款心心出來，順道post 出來做個留念先！

其實都唔知點解想當年會摺得到心中心，原來都好高難度，我現在已經整唔返lu...或者係性格上的缺點，只要開始左一樣野，我一定會想盡扮法，排除萬難咁完成，所以，最後我終於都摺到！

讀書年代，見到有D同學用紙幣摺心心，於是我又學埋一份，所以我隨身會有一個好殘舊的$100心心紙幣，這個係我的應急錢，萬一我稍一不慎忘了帶銀包我都會有這個後備心心使用，而這個後備心心今時今日變得咁殘舊，全因為這個人太緊慎，從來都未試過唔記得帶銀包。

而$20心心係我早兩年上網見到有D web-site有圖教點摺，於是我又無無聊聊咁學摺，其實就咁睇圖係好難摺到，點解我會用$20摺心心，回想早幾年我好鐘意粉藍色，但係今日搵返佢出來，再見到粉藍色又唔覺得好靚，再唸下現我好似已經對粉藍色沒有好感，究竟我現在是喜歡甚麼顏色呢？

好耐之前睇過一些心理學的書藉，係用顏色來分析人的性格，個本書有話過人會隨著成長、經歷、年齡等因素會對顏色的喜好有所改變，我記得我好小朋友時係喜歡黃色，之後係綠色、再之後係粉藍色，咁現在呢？真係要探究下先至得...

其實，我應該仲有幾款係用手工紙摺的心心，但我相信我已經丟左了，因為完成左，再加上放在起屋企咁多年，佢對我對來講已經無value...