迷失

14/6/2008我受浸成為基督徒，一直都有返教會，神於不同的時間會透過唔同的方法同我講說話，而近來多數都係聖靈感動會起youtube search 一些詩歌，而這些詩歌就係我生話的寫照。

以下的一首詩歌，於 29/8/10主送給我的，是隔幾個月後的今天，腦海又再次閃過這首歌，而這首歌的內容亦係我近這幾天所想。今日一路聽我的眼淚不斷的流下...我好似詩歌咁講 "在匆匆歲月裡 人們經過又離去"

已經有一個月沒有參與教會活動，上星期四11/11/10，wendy 打比我話聖靈感動要打比我關心我的近況。其實自己一直都知自己有問題，但我仍然無法找到答案，而我亦知道自己已迷失了。

wendy：我你行左去邊 (指我同神的關係)
我：我都已經唔知去左邊，應該行到好遠啦...
wendy：咁你仲有無每日都睇靈修書藉
我：無啦，無時間

wendy：你近來忙些什麼？

我：功課
wendy：幾時交呀？
我：岩岩交左。咁你幾時得閒可以返教會
我：下個月
wendy：你仲忙d 乜？
我：考試
wendy：原來被學業、功課所蒙蔽！我為你祈禱，記得有時間就即刻返啦，掛住你...
生活究竟為乜而活呢？起過去的兩年，我經歷到好多好多的不愉快，背叛、出賣、偏待...
朋友同我講朋友係用來出賣，點解人同人之間唔可以和平共處，點解用真心對人會換來一次又一次的傷害...
工作上，亞姐話要升職就要爭要搶，(暗示要踩住人地上位 (宮心計現實版))，我真係唔識，亦都無能力去做，亦無須要做。因為我信靠為我所預備的一切。但日子耐了，等的時間長了信心開始動搖，抵受不了魔鬼的攻擊...
這刻我知道我已經徹底迷失，就連與神的關係都迷失了，正如同wendy 所講我行到好遠...生活係為乜？

本來安排了12月去沙巴退修，想尋回與神之間的關係，因為團費接近$9,000，我考慮了兩個鐘，而當我明白一切都係神白白給的時候，我願意付出$9,000獨個兒去沙巴退修，尋回與神之間建立的關係，但係個團FULL左...我心裏好傷心、好難過...我係一個咩人？我配得有主耶穌為我釘十架嘛，我配得有主耶穌的寶血洗淨我的罪嗎？

不斷追求無窮無盡的知識又係為乜？既然一齊都有神為我們預備，但係我地又為甚麼要為生活而追逐？心裏千萬個問號？？？