歷時一個月的功課 (CIFA&CIMA)，終於都已經起無眼睇的情況下燒埋碟交左...可以叫做係發下心石大頭，今次份功課係最深的一份，之前個d功課，每做一份都覺得好深，但當每次完成了份功課我會對自己所學習的科目的認識更加深入，所以以前個D 科目每次做完功課後都會覺得唔係咁深，起碼知道講D 乜、要做d 乜！但今次份功課真係令我好氣餒！！！份功課叫做完成，但我仲未知我呢科係讀D 乜，真係要急起直追！
由白紙開始準備做presentation，試問乜都唔識又點可以定到個arguement，同埋arguement 又係d 乜，真係唔識囉！起不斷嘗試的過程中學習，亦在不斷被reject 個arguement而灰心，搞搞下個course 又上了1/3 個 就話要做 presentation，回想時間又好似真係過得好快，可能係密集式的課堂，話咁快又讀完，話咁快又要準備做功課。
今次份功課要求多多，research 要25-30份 (平時個d 功課只係要求15都想死)、年份要係2005年-2010年之間，真係好有難度！同埋個research要搵咁多篇，得一個月時間真係唔夠。所以起過去一個月真係好辛苦，又要睇又要分析...為左份功課令我每晚只係得3-4小時睡覺，好在終於都做得完！
我自己都已經唔知道總共睇了幾多篇article，幾多篇係有用、幾多篇係無關係。每次search 到d article 我第一眼係望下共有幾多頁，一見到有幾十頁個d article 我就頭暈，英文又唔係咁好，仲要對住一堆英文，有時睇到氣餒，有時又想放棄，但都已經係畢業之作，我堅持到最後終於都完成了，雖然好大機會會唔合格，但我已經盡了力...無論個結果係點，我知道主必別已經為我預備好了，全然都交托給天父，主啊求你去為我預備，唯有祢才知道哪樣才合我的心意...
D 朋友成日問我讀書為乜，因為我怕考試唔合格，所以我只會答，我自己只係為興趣，目的都只係比一個藉口自己逃避罷...
既然功課都交埋，又係時候放鬆一下及準備下一年的計劃，真係唔知讀唔讀Master好？讀又好似對工作無乜幫助，因為入場券只放眼於ACCA / HKICPA，讀書令我覺得好迷罔，究竟係知識能否改變命運？窮一生的精力起無窮無盡的知識中追逐又為甚麼呢？
沒有留言:
張貼留言