薑汁黑糖年糕

已經成功咁製作到蘿蔔糕及芋頭糕，所以就搞搞新意思，今日整左黑糖薑汁年糕，因為無乜信心可以整得成功，故此我今次整的份量只係平時用8寸糕盆的1/3的份量，如果整出嚟個效果唔好，都唔會浪費太多食材嘛！

黑糖薑汁年糕做法真係簡單到不得了，只係製作薑汁比較複雜，因為家中的窄汁機早幾年已經壞左，今次的薑汁全人手制作，我自己又好鐘意食薑，加上我又食得辣，大貪的我切左好多薑出嚟窄汁，平時人地整8寸糕盆都係用4湯匙薑汁，當然啦薑汁的份量因人而異，落多少亦都係適隨專便！我呢底糕細人地2/3，用的薑汁竟然係10湯匙，真係....好擔心個味道會係點

今次磨薑汁用左用一個鐘，磨左一個鐘先至得個10湯匙，唸深一層有閒情逸緻先至可以整到，有時見街賣一底糕咁貴其實都有佢的原因，就係計時間呢樣野真係已經起返度！第一次磨咁多薑汁，原來磨完大量的薑隻手係會發滾，老豆仲話薑係用嚟驅風，所以我覺得隻手好滾係正常喎

底糕岩岩蒸起，蒸左出嚟個樣一D 都唔靚，有好多氣泡同埋唔夠平滑，夠道點先至可以整到好似起街買個D 咁平滑呢？等底糕凍左之後，明天就可以煎嚟試下個味道，到時可以再調較一下個材料份量，到時就可以同大家分享！

平時我蒸糕係唔會用油掃個糕盆，之前整開的糕都係有大量的臘味，而臘味又有大量的油，我自己覺得唔用油掃個糕盆底底糕都係好易甩出嚟。我見令次底糕D材料完全無油份，所以用左少少油掃個糕盆，點不知拎去蒸的時候，起糕盆底的油全部浮了上糕面，咁其實搽嚟都起唔到原本想要的作用，下次可以散掉這個無謂的步驟！

材料：
糯米粉 110克
澄麵粉 60克
黑糖 25克
水 100ml
薑汁10湯匙
油

蒸起的薑汁黑糖年糕

準備蒸前的薑汁黑糖年糕，可能係可搞得比長時間，所以底糕入面有好多空氣，下次等我試下搞完之後等一段長少少的時間先至拎去蒸。