蛇年行大運@城門水塘

今日Wendy 約左我去行城門水塘，太耐無行過山我都唔記得行山要帶D 乜，我只係知道出發前一定要有氣力，所以我去荃灣之前就去大家樂食左個好豐富的早餐-皮蛋瘦肉粥、炒麵、熱奶茶，合共$21。

食完早餐之後就行去搭地鐡話咁快就去到荃灣，因為途中被一間賣韓國護膚品的店鋪吸引住，所以我遲左15分鐘先至去到荃灣，仲要成班人起度等我，真係有少少唔好意思....

我地起荃灣地鐡站搭的士去到城門郊野公園 (原來綠的係去唔到呢個地方，我地上左車個司機叫我地改搭紅的) 已經11:17am，我地開始我們的蛇年行大運行程啦！約3:00pm完成我們的行程。呢段路一d 都唔辛苦，好輕鬆咁就可以完成。

城門水塘個風景真係好靚，一d都唔辛苦，中段有少少石澗的地方及好斜的樓梯級，不過都算係容易走過，今日天朗氣清，又唔會太熱真係好適合去行山。但係城門水塘呢個地方山上係無洗手間，出發前設飲太多水！

行山去到尾段的時候，見到有一大群的馬騮起度打架，真係好高興可以咁近距離見到呢個場面，原來馬騮跑得快，連爬樹、跳樹的動作都係快到睇唔清楚！

行完山之後我地9個人去左荃灣季季紅飲下午茶，呢間酒樓個下午茶係截四點，所以我地坐低左就要拿拿臨咁落order，不過只係剩下蒸的點心，選擇好少！

後記：下次行山要帶備驅蚊用品、防曬、太陽眼鏡、乾糧、補充體力的食物例如：得力素、朱古力

馬騮~一D 都唔怕人

呢個地方好似電視古裝劇拍攝的樹林

呢度有條石澗通過對面，行呢度可以行少好多路

臨走時見到有好多馬騮起度打架，場面真係好驚驗，真的感恩可以咁近距離見到呢個場面

季季紅~下午茶