襯住Grace就快生B.B.，所以就約左出嚟食飯。
近來工作不知何解就越嚟越少野做，所以呢排都可以比較早放工，可以準時同大家食飯！
Grace 都就快生，估唔到佢仲咁辛苦咁去Simplylife 排隊拎位！！
我係最遲一個去到，所以見唔到條隊，入到去間餐廳仲問都無乜人，點知Grace 話佢已經排左一個鐘！真係有點兒過意唔去！要個大肚婆排隊拎位.....
呢間餐廳都幾OK，食物價錢唔係十分貴，座位舒適座幾耐都無問題，不過餐廳比較暗坐坐下有少少眼瞓！
食物的份量都算係幾大份，我地四個人只係點左3個set，但係都食唔晒。
個磨菇湯就唔係咁夠creamy，pizza 就焗到乾左少少，其他食物都好滿意！
吹水開心的時間過得特別快，好快就十點，又係時候返屋企啦，哈哈！Grace記得我係一個路痴，佢擔心我搵唔到個巴士站，挺住個大肚都問我要唔要送我去搭車，我當然係唔駛啦，因為我個忠旨係亂咁行只終係會可以搵到出路:p
希望好快可以見到Garce同佢個小寶貝啦！
沒有留言:
張貼留言