Burger King~安格斯XT瑞士脆牛堡

好耐都無食過Burger King，早幾日見到廣告知道Burger King 出左一款新的食物，就係呢款食物深深吸引住我，令我有一個非食不可的感覺！

 

係D 乜咁巴閉，咪就係同芝士有關的食物~一口軟心芝士球 (一盒有9粒)。幸運地我呢盒係有十粒:)

 

今日教會有個祈禱班，所以我就第一時間食埋先至返去啦！

 

入到Burger King 個祈禱班都差唔多開始，所以我好急咁買食物，我見呢個芝士球本新係配起Swiss Foundue Angus XT餐內，唸都無唸就點了這個餐，個餐對比起M記的餐的確係貴了一點點，但係食物質素真係好好多。個餐$48包飲品，可以加錢轉其他飲品，我今日就轉左鮮橙汁加多$3 (都係比M記貴)！

 

拎了餐坐底後急不及待食了一粒芝士球，嘩好味！脆卜卜的薯仔夾什濃濃的芝士、味覺十分復雜，但又好鐘意食，食埋個包飽到上心口！！！

 

個飽入面塊牛肉，好有肉味，但係就乾左少少，比起M記真係出色好多。如果要食漢堡包，我都係終意食Burger King，係貴少少但物有所值！