嘉頓餐廳

今次係我第日次負責搞飯聚，估唔到係我係可以成功做到呢樣野，今晚的飯聚真係好開心！估唔到仲有人負責買左兩個生日蛋糕出嚟，不過美心蛋糕味道真係麻麻地，下次等我再物色一D 好味的蛋糕啦！

 

今次食飯的餐廳係位於深水埗的嘉頓餐廳，真係唔講全完唔知道呢個嘉頓地標入面係有間餐廳，一入到間餐廳入面已經關晒燈，有一個職員企起門口指示餐廳的位置，上到去間餐廳，入面好暗，無乜人場面好冷清！

 

食物方面，嘉頓以麵包出名，所以第一道上的蒜蓉包係好出色，個包暖暖地，入口好脆。餐湯係FIX 左今日係西蘭花芝士忌廉湯，個湯好creamy好香西蘭花味，入口有啖啖的西蘭花！

 

我地仲另外叫左個焗田螺，上碟時有連埋個螺殼上，所以食時要小心一點點，如果唔係飛殼就唔好啦......薯蓉就有好濃的牛油味。

 

今晚我點了斑塊干拌蝦墨汁意粉，味道就普普通通，入口完全唔覺得係墨魚汁意粉，加上食物有唔係好熱，最討厭d食物唔凍唔熱咁...不過個意粉上最出色的就係佢一片片切到好薄好薄及炸到好脆的連耦！

 

食餐仲包埋甜品，個甜品味道真係好一般！