重遇

今日wendy 約左我出去食生日飯，真係好開心可以一齊分享大家近大半年來的近況，wendy 仲送了一個基督精兵給我，其實之前佢已經送了一個給我，所以我一見到就問wendy，為何又送給我，原來wendy 係有意思，佢仲問我記唔記得上次個個係咩字，今次這個基督精兵個盾牌係"福杯福溢"，佢話我可以儲齊一對，將來我遇到另一半的時候就送給他，我深信神是有預備，祂必定會為我預備最好的！返到屋企急不及待搵返上次個個出嚟原來上次個隻係"主賜平安"。多謝wendy 送給我的基督精兵，好讓我每天都感受到主的恩典。

真係好奇怪，因為今日食飯的地點起佐敦，所以我要去尖沙咀搭小巴返屋企，神安排真係好奇妙，本來我今日係想去買一對高跟鞋，於是臨返屋企起唸住起海防道個度買埋先至走，可能經濟太好這條短短的小街，已經有好多間吉鋪，就係咁令到海防道這條街道有D暗淡，其實我唔係知BELLE 起邊，只係知海防道有一間地鋪，但係我行左半條街都搵唔到於是我就唸住行去搭小巴，沿途亦被trendyland 吸引住所以又行左入去睇下有無pekkle 買。做晒要做的事情可以安心回家。

每次食飽都好眼瞓，所以我抱住好眼瞓的心情飛快咁行去搭小巴，一路行一路起度唸返到屋企咁攰點溫書呢？之後又唸下要自己獨個兒去澳門真係好大壓力，期間我都無望過條街有d 咩人，我係咁行呀行好似聽到有人叫我，但我無意識要停下來，我依然繼續行，而叫緊我的人依然繼續叫我，好像非叫停我不可，剎那間我好像如夢初醒，突然間停下來再回頭一望完來係佢，我的初戀男友，已經好多年無聯絡，而佢亦都改了電話，估唔到今日我地會起街上重遇。仲要係起我地個生日月到發生，神的安排真係好奇妙，佢遲我一日生日，估唔到佢會約我出嚟食飯同我一齊慶祝生日，感覺奇妙...