瑞士汁雞翼

都有兩個星期無煮野食啦！今日終於都有時間整返之前亞蘇教煮的瑞士汁雞翼！

我都係睇完蘇Good先至知道原來我一直用緊煮瑞士汁雞翼的方法係好唔同

我之前用個個方法係淘大的食譜，須然都係用豉油整，但係就加入左八角&桂皮

今次根據阿蘇的煮方再做一次先

材料：鉅利高級醬油、雞湯、冰糖、紹興酒

做法：

1. 洗淨雞翼，下蔥水滾後下雞翼出水後盛起
2. 將雞翼放進冰水內浸透 (要將雞翼由內至外都浸透，阿蘇話係將雞翼的毛孔收縮)
3. 煮瑞士汁：將鉅利高級醬油倒進煲內，再加入相同份量的雞湯、下紹興酒及冰糖(大量)
4. 中火開始煮瑞士汁 (以便煮乾瑞士汁的水份)，待冰糖溶後
5. 將雞翼放下(皮外下)，再大火將瑞士汁煮滾。熄火焗20分鐘
6. 10分鐘後將雞翼反轉，再過10分鐘後瑞士汁雞翼就完成了。

P.S. 餘下的瑞士汁可以盛起，留待下次再煮時使用。

貼士：由於實太醎，故建議下一份醬油、半份雞湯及半份水。這個方法可以用少d糖 (想健康點)。