Rimmel Lasting Finish Soft Colour Blush ~ Pink Rose

之前起Feelunique.com 訂左Rimmel Lasting Finish Soft Colour Blush ~ Pink Rose (£3.99 x 14% x 12.28=HKD42.12)，其實我自己唔認該呢個品牌，上網check 完之至知Rimmel 係一個開架品牌，佢係起英國製造，售價又平，一個胭脂折左港子都係四十幾蚊。

初時都有少少擔心，因為無得試色都唔知個顏色岩唔岩自己，今次都係膽粗粗咁試下，點知收到個胭脂後見到個色又ok，本來想拆左個胭脂出嚟放入個化妝盒度，點知唔小心刮左落去個胭脂度！

呢個胭脂真係好上色，拎小小已經好出色，而且好long lasting，四十幾蚊真係超抵用，下次會再回購！

Escade Cherry In The Air

香水不經不覺之間已經成為了我生活的一部份，因為之前去旅行買左好多野，所以我決定所有野都要用晒之後先至可以去買，心理上收到張月結單個心無咁肉痛！上個星期我支香水用晒之後一直都唔得閒去買，都係衰在節省個少少，其實遲早都係要買，今日買同早幾個星期買都唔差得幾多時間，成日唸埋D咪橋，就係咁搞到我過左一個好不愉快的一個星期，或多或少係唔習慣無左香水伴隨自己啩，又或者係唔習慣身上無左一陣香氣，但其實我自己聞唔到自己身上的香水味，所以都唔知係咩心態無噴香水自己渾身唔至在！

尤記得細個岩岩出嚟做野個時，我買左好多支香水，每日都可以用唔同味，但當日子耐左，我發現原來香水係會變味，自此之後我每次都係用晒一支先至會再買。

大大話話我都用過好多不同品牌的香水，到今時今日我都係鐘情於ESCADA這個品牌，好鐘意佢D 香水甜甜的氣味！加上ESCADA經常都會出一D限量版香水，其實我每次用完一瓶ESCADA 的香水，如果好鐘意個隻味都唔會再買得返，因為好快佢已經係轉左第二隻限量版。

今次起我自己個BLOG 度加多左一個TAG 專為香水而設，純碎只係方便我自己search 自己用過咩牌子的香水咋，無乜特別家！

第次亦都係我第一次起sasa 買香水，起sasa買香水有一個好處係無人會走埋嚟sales 我，我可以自己任試佢d tester，而沒有任何人煩擾住我，所以我都買得幾開心家！

Water2 Moisturising cream (Hyaluronic Acid Edition)

之前去學化妝 Joewe 介紹左一隻又平又好用的面霜比我地用，呢隻面霜係由ASANA 代理， 我自己從來都無唸過會買呢個面霜嚟試，不過見Joewe講到佢咁好由咁抵用，於是就乜都唔唸即刻去萬寧買左，呢個面霜標價係二百幾蚊，但減價後就$89。$89真係一個好大眾化的價錢。

終於都試用左，打開個面霜有淡淡的香氣，面霜好易起面上推開，上面後感覺都幾潤，好快被皮膚吸收，一d 都唔笠，加上保濕及鎖水時間亦很長。產品介紹話成份中有4D透明質酸，講到好似好勁咁，不過真係好潤，用晒之後會再回購！

Makeup workshop~lesson 2

今日去上埋最後一堂的個人化妝班，上埋今堂真係學到好多野離開，真係好開心可以跟Jowe 學到化妝，今日化完妝之後真係唔係好認得我自己，完來我係可以咁靚，對眼係係可以咁大，化完呢個妝之後真係唔相信呢個係我自己來。

因為今堂學的眼妝我唔會成日化，所以我寫底左以下的少少部驟，作為將來自己練習時用！

Jowe介紹左兩個牌子的眼影比我地，佢話NARS & Canmake 的眼影會比較上色，如果要買就買呢兩個牌子；胭脂就係Benfits / Canmake 的珊瑚色！

今日教左打暗影，而暗影的牌子係 Canmake，Canmake係一個開架品牌，價錢好大眾化，一d都唔貴，仲好低用。Jowe 話陰影粉買 1 / 3號色，我去到sasa 見到佢個tester 寫住3號色係自然膚色，所以我買左個3號色，Shading Power $88！

化妝部驟
1. 底妝
2. 粉底
3. 遮瑕 (黑眼圈、暗瘡印、鼻翼紅印、嘴角)
4. 碎粉
5. 畫眉
6. 眼影
7. 眼線
8. 假眼睫毛 (先用睫毛夾，睫好真睫我，之後量度假眼睫毛的長度：由眼頭開始至眼毛最後一根；貼好假眼睫毛後再補回眼線，補回假眼睫毛與眼線之間的虛位)
9. 貼雙眼皮 (待膠水完全乾透後，用雙眼皮丫叉定位)
10. 補回眼影於雙眼皮膠貼上
11. 下眼線 (我自己的眼形，適合畫半條下眼線)
12. 鼻影 (由眉頭開始晝到去鼻頭，之後再在鼻樑打光影)
13. 陰影 (由腮骨住向下握到去頸位，之後再向前推)
13. 胭脂 (我自己只要搽起蘋果位至鼻翼。因為我權骨唔高，所以唔須要用拉長去到權骨位)

Kate Wide Edge Eyes BR1

一直都好鐘意買Kate 的化妝品，因為價錢大眾化，加上quality 又唔差，今次呢盒眼影又係免費，皆因credit card 入面有大量的cash dollars，唔知可以點樣用左去所以就走去屈記揀左少少化妝品，今日開呢個眼影嚟用先至放現，原來kate 的眼影已經變得越來越user friendly，起個盒度已經印晒每一隻顏色的用途，唔駛驚第日唔見左個盒唔知個產品點用！

不過近來亦都覺得kate 的眼影不及幾年前的上色，要搽幾次先至可以上到色！不過呢個價錢都係好合理！

RMK Cleansing Oil

之前去RMK 買化妝品，買滿$2,000有化妝品送，貪少平宜的我當然唔放過呢個機會，咁岩先我支卸妝油又差唔多用完，所以要入定貨先，呢瓶卸妝油$260 / 175ML，計返其實都幾貴。

用佢嚟落妝，用完之後皮膚完全沒有好乾的感覺，搽上面有一陣薄荷的氣味，好清涼，效果都好好，只可惜係貴左少少。

Champneys Mediterranean Bliss Body Hydrator

之前Boots再返返嚟香港，我已經急不及待咁買左，但係一等就幾個月，今日終於都有機會試左去啦，今次用的係 Champneys Mediterranean Bliss Body Hydrator (地中海潤膚霜)，佢真係好香，個香味可以keep 到好耐，而且好舒服，滋潤度方面就一般，如果我自己起冬天用就一般，夏天用我自己就覺得岩岩好，但一般皮膚用一定夠潤！

價錢方面都算中上$139 /$200，呢個價錢同起泰國買都係差唔多，分分鐘萬寧做promotion仲平過起泰國買添！

懷舊大波板糖

話說早排行街見到呢支嘉頓大波板糖，一見到即時唸返起一D細個的兒時回憶，仲記得細細個好鐘意食糖，所以成日買呢隻大波板糖食，但佢又太甜所以次次食到一半就食唔落，又唔想浪費，所以我會用保鮮紙包住放入雪櫃第二日再食，今日唸返起又真係好唔衞生，可能係細個無人教，好多時都做左好多錯事。

呢枝大波板糖真係一個好懷舊的食物，今日大波板糖已經起超級市場消失，要買都要去一D舊式的辦館先至可以買到，唔知再過多幾年仲會唔會有得買呢？

RMK make up prodcut

之前上完第一堂化妝堂，所以我就再轉用返RMK的化妝品，今日一口氣買左$2,015，因為貪小平宜，買滿$1,800可以送一支唇膏及睫毛液，雖然我自己唔岩我，但係貪心呢家野真係好難忍！反正買個D 野我又一定會用得到，加上庄該好快可以用得晒，所以買多少少stockup 都無妨！

Makeup base $320
Foundation $370
Cleansing oil $260
eyebrow brush $55

香港花卉展覽2013

今年係第三年嚟花展，入場費同往年一樣都係$14，而星期一至五年滿60歲的長者仲係免費入場，花展展期由15/3-24/3，想去的朋友就要儘花安排，錯過左就要等到下一年。

經驗話我知起花展頭幾日嚟D 花係最靚，至於邊段時間去最好，一係就一朝早開門前到達，一係就四點幾五點襯個天仲係光的時候去，因為呢段時間人流開始少，而天色係光猛時影相係最好，當然手腳係要快，因為好快天黑，夜晚影就無咁靚！

依家科技先進今年好多人都係就咁拎住個電話起度影花，但係電話功能所限，好多時都要拉到好近先至可以影到，所以有時都比呢D 人阻住影相，我就係咁花左好多時間起度等人用電話影完之後先至可以影，所以又嘥左好多時間！

原來影相都要花時間，想影到一張靚相須要捕住最佳的時刻，身邊原來有好多方法都可以陪養耐性，我呢個無乜耐性的人當然都要慢慢學習啦！

今日係有目的咁入去花展，所以一定要買到花先至捨得離開，今年發叔又無參展，本來唸住可以用一個比較方便的方法買到發叔的靚花，睇離真係要搵入走入粉嶺探下發叔至得。

蘭花的售價已經越來越平，今年花展賣的蘭花最平係$20，對我來講真係入門的一個最低門檻，我可以試下種，如果成功可以種返一D較靚的品種。

好似薑的仙人掌

呢隻花好靚，唔知佢叫咩名呢？

生態缸~真係好靚，透過自然的生態可以為微生物供給食物，生態缸入面有魚、蝦、蟹

呢盤係我帶走的蘭花