懷舊大波板糖

話說早排行街見到呢支嘉頓大波板糖，一見到即時唸返起一D細個的兒時回憶，仲記得細細個好鐘意食糖，所以成日買呢隻大波板糖食，但佢又太甜所以次次食到一半就食唔落，又唔想浪費，所以我會用保鮮紙包住放入雪櫃第二日再食，今日唸返起又真係好唔衞生，可能係細個無人教，好多時都做左好多錯事。

呢枝大波板糖真係一個好懷舊的食物，今日大波板糖已經起超級市場消失，要買都要去一D舊式的辦館先至可以買到，唔知再過多幾年仲會唔會有得買呢？