落機後我地乘的士往酒店車資800baht，今日好塞車我地搭左好耐車先至去到酒店差唔多三點啦！放低行李再休息一下就出動外出食少少野。
點知去到MBK行街時見到有間鋪頭賣起機場見到個張雷話咭，不過價錢就貴少少500baht，但係唔知點解iphone 完來係用唔到呢張咭，個店員都唔知點解，於是就叫我地去apple store 問下，但係apple store的職員又唔知點解，於是就叫左我地去電訊供應商dtac問，但係dtac的職員又唔知點解，於是就幫我地打去hotline 問，但係都問唔到個結果，來來回回我地浪費左好多時間起度搞張電話咭，最後，我地估計係因為iphone lock 左所以先至用唔到泰國當地的電話咭，而我自己係用samsung 所以就完全無呢個問題！
今日入住的酒店係LIT hotel，呢間酒店都只係開左幾個月，酒店比較細，位於一d 內行入面，好多的士司機都唔知呢間酒店起邊，所以有一晚有個的士司機係咁起條街到兜圈都搵唔到間酒店。呢間酒店個泳池好唔掂，泳池又細、水又唔乾淨，唯一一個好處係位於市中心，方便出入shopping！
因為搵左張電話咭好耐，所以浪費左好多時間，行完街之後去左UGOLINI食意大利餐，呢間餐廳好難搵，好在最後真去到，呢餐飯真係食到好滿足，因為實在太好味，如果有機會再去bangkok，一定要再去返呢間餐廳！
超好味的陳醋及olive oil
因為個實在太好味，所以我一口氣食左三件麵包
一見到就流晒口水的蒜蓉帶子，香噴噴，一放入口嘩一聲
超好味的鵝肝
order 左太多野食，所以食剩左好多...
呢個青檸雪巴，好味到暈，食到咁飽滯食到一個酸酸甜甜的甜品真係好滿足！
沒有留言:
張貼留言